Popular Bible Verses from 1 Corintios 1

Share

Buri queorojoropʉare atibʉreco macãrã masĩrã ña ĩrãcã tʉomasĩhera ñawã ĩyorare Manigʉ̃ mʉjãrẽ beseyi cʉ̃jãrẽ boboro cametʉañerõcã tigʉ. Tairora atibʉreco macãrã tutuara ña ĩrãcã tutuahera ñawã ĩyorare Manigʉ̃ mʉjãrẽ beseyi cʉ̃jãrẽ boboro cametʉañerõcã tigʉ.

Jesucristore wedewõhera ñañarõ ticõãyoana Jesucristocã curusapʉ cõwõãrigue quetire tʉora “tie tairo ĩmequẽdere ña” ĩwã. Buri marĩpere cʉ̃cã cametʉoyoanapere atie queti Manigʉ̃ye tutuarere eñorẽ ña.

Atibʉreco macãrãpere Manigʉ̃ cʉ̃cã tairo ĩmequẽderera abiro nicaperocãrã atibʉreco macãrã cʉ̃jãcã masĩrẽsotoape nicametʉanʉcãrẽ nirõ ya. Tairora Manigʉ̃ye tutuarecã cʉ̃jãcã tutuaherera abiro ĩñarẽcã basocacã tutuaresotoape nicametʉanʉcãrẽrã nirõ ya.

Manigʉ̃ cʉ̃cã “abiro tigʉda” ĩrẽrẽ cʉ̃cã ĩrõrã abiro queoro tigʉ ñawĩ. Cʉ̃rã mʉjãrẽ beseyi cʉ̃ macʉ̃ marĩ Nirũpʉ̃ Jesucristomena ĩcãrõ ñurõ nirucũmocãro ĩgʉ̃.

Yara yʉ mʉjãrẽ marĩ Nirũpʉ̃ Jesucristoya wãmemena mʉjã nipetirare ĩcãrõpe wãcũpʉtʉa niña, mʉjãbasurupe came dicawatiherara ĩ sãĩ. Tairora tiere tiherara ĩcãrõmena ĩcã wãcũrẽmena, ĩcãrõ tʉoiñarẽmena nirẽcʉtiya ĩ sãĩ.

Tairo tiriasiro niñerõcã topʉare ¿dairopʉ pʉtʉari masĩrĩbasoca; dairopʉ pʉtʉari bue masĩrĩbasoca; dairopʉ pʉtʉari atibʉreco maquẽ birere wederucũmemarĩbasocacã? Manigʉ̃ atibʉreco macãrãcã masĩrẽrẽ tairo nimequẽderera pʉtʉañerõcã yawí.