Popular Bible Verses from Efesiɛ́ŋ 5

Share

Bígédényénénu Uhaluá haná núnya baán ɔbɔɔ́ wɔ́yɔnɔ́. Ánaá núsɔ́dɔn uguá ginɔ́nɛ́n hana Klístus: Umɔdíɔ́yá uwond uwodóŋinye nusɔ́da nuég gásɔ gá busió hana nusámb, nusámb unúnya ohind agá buáyɛ buá Uhaluá.

Ánaá núbídédínye na bilɔŋ biánɔ biá sɔ́dɔn, nudibígɔ́lɔn hana bandɔ bá kanda meéne gɔgaá, hana bandɔ bá nugedie, abálinsanaá gugɔ́l gidɔga na mɔɔ́sɛ ɔmɔɔ́ Uhaluá úhúánaá bɔ́, gá giagiá, mɔɔ́sɛ ɔmɔɔ́ dísɔ́dɔnaá gá mɔ́ mányɛ gilɔg.

Nudíayán bihuɔ́gíba, mbɔ́m yɔɔ́núgɔ́ga uguá ŋŋil ya gilɔg gɔgaá, ánaá núbá obóhónón na Gileénde giá Budányɛ. Ánaá núgínyigínyinye na isag isínya uguá yubu hiá Uhaluá na isag siá beédébi, bilɛ́l. Ánaá núdɔ́ŋa isag isiɛ́ Gileénde giá Budányɛ gíáganaá uguánɔ guá idɛ́m, dɔ́ŋɔ́nɔ́n nubíne gá busió buá Ɔgúná na ɔdɛ́m gidigid. Ánaá núéŋen Uhaluá Síe, mbíyigie binɛŋ gidigid naá gá buand gidigid uguá ɔhɛ́n huá Ɔgúna wasɔ Yésuse Klístus.

Nudinímíe meéne gɔgaá, ánaá núbínuanan gá guɔ́b guɔyɛd guá Ɔgúná uguá sig buand ubuɔ́ núgódionu áneé nual.

Banɛ́m, ánaá sig ɔnúmɔndɔ wɔya ugányɛ weg hana Klístus úmɔyɛ́d Gimbi giá beédébi bá Klístus, uwond uwodóŋinye nusɔ́da nuég úmuanyɛ mbánan gá giɛ́.

Nsuá numabá uguá mbíne, gɔgaá dabdab uguá buláda buánɔ na Ɔgúna nuganyɛ uguá gise. Ánaá núsɔ́dɔn gɔg hana baán abánya uguá gise.

Banuá nudínenú Klístus, ánaá núbia ŋŋɔ́bina banuá na banuá.

Gánɔ bagándɔ, ánaá nuɔ́bɔnɛn banɛ́m bánɔ hana núɔ́bɔninaá Ɔgúná.

Gɔgaá, búánúbíyigan, sig ɔnɛ́m ugódi áneé wɔya ugányɛ weg hana úmuanyɛ mbánan, ugányɛ wɔɔ́bɔnɛn ɔnɛ́m weg.

«Buand buáguɔ́ ɔnúmɔndɔ wónólígienú agá buáyɛ buá síe na noódíe gá guɛ́d gá bígɔ́d na ugányɛ weg, bem báandɛ bónónd mmegu imoómi.»

Nudiágán imbɔ́g uguá melélíe má gihóhóle giá mbíne, gɔgaá bálánánɔ mɔ́.