Popular Bible Verses from Efesiɛ́ŋ 4

Share

Ánaá núbianan ginɔ́g giá ɔdɛ́m banuá na banuá, nubianan ɔdɛ́m huá yɛbyɛb, nuyibinanɛn hana Uhaluá úmanúyíbínɛ́n uguá Klístus.

Ánaá núbísusenye, nubá yɛbyɛb nuond nubídémbénye. Bísúsényénu uguá ginɔ́nɛ́n banuá na banuá binɛŋ gidigid.

Gilɔg giá nugálɔ gídihámɛ́n uguánɔ guá niíd, gɔgaá núhémenye pɛ́ŋ binɔ́g biá dugálɔ ibígumenyeé sɔ́gá uguɔ́b guá nsan bíond bíála ɔbɔ́bídɔ́lígɔnɔ́naá beseé.

Ágánánɔ ɔdɛ́m, guŋídánánɔ́ ubúálanɔ́ áneé niíd niánɔ níbá gunua, nudisásánɛ́n, nudilúndébé, nudísáŋá, nudisigánɛ́n, nunihɛn bilɔg biá ninam biá melélíe gidigid.

Mmába nuseliŋ, nudiguɛ́n uguá gilɔga, ɔhɛ́nyɛ húdiénéhué kandabá áneé numésúsie ɔdɛ́m. Nudiduɛ́n abɛlɛ́bɛl giásɛ gá gueleé unúbíŋínín.

nugódi áneé nunihɛn melélíe mánɔ má nsuá, nunúgie bumɔndɔ ubuɔ́ númabá nsuá gá giagiá, niída niég niá mɔnɔŋɔna níánúgada. Núgodi áneé nuɔ́bɔn muand uguá bilɔŋ ibigɔ́sɛ, uguá guɔyɛd guá Gileénde giá Uhaluá. Hana gisɔn igigɔ́sɛ, áyɛ mɔndɔ ɔgɔ́sɛ. Mɔndɔ ɔgɔ́sɛ waáguɔ́ unyɛ aluŋánɔ hana Uhaluá wɔ́yɔnɔ́: Hómohómue woóguondonye yɔ́ gindényé na gisamb.

Bínuánánánɔ gá gimbe nilada iniɛ́ Gileénde giá Budányɛ gínúhuánaá uguá bumbénu, ubúnúladanɔ́ banuá na banuá.

Mpuán iyɛɛ́ Klístus úmal iyɛ: Bómodi abádáŋáab mpuán ya guáyɛ medenyi, bódodi bebunebúné, ugúnya ana boyi Ginɔ́g giá Nsɔ́m. Bódodi abádáŋáab mpuán ya guendenye buán buá Uhaluá ugúnya ana ya huínyihuinye nugálɔ nuég. Uguá mpuán isigányɛ, Klístus umamba áneé uhuínyihuinye ɔbɔ́bɔninaá na Uhaluá. Agányɛ, bányɛ bóhónye buóli buɔ́b búabá eŋédébi gá nuhág nuá nuɔ́l nuá Klístus. Uguá bilɔŋ ibigányɛ diénegenú uguá nilada uguá guágɔdɛ́m na lɛns guá Muɔ́n wa Uhaluá. Ɔlɔŋ, dianágúnɛ́n diond díeg uguá udényi huá Klístus uguá bá níŋíláníŋílá.

Didianándabá gɔg biayɔ, ibiɛ́ ombógónyé ugúnya ana usánána húédedienú na duhuínyihuínyi gidigid. Biayɔ ibiɛ́ bandɔ bɔ́nɔ́nɔŋɔnɔ́, báluŋa bibán na dudádɛ duɔ́b gá gusinye bɔ́. Gɔgaá, guɔya guá hómohómue uguá ginɔ́nɛ́n, dianáguman uguá buá gidigid gá guɛ́d uguá Klístus unyaá ɔduá.