Popular Bible Verses from Efesiɛ́ŋ 6

Share

Gá giagiá, didiánuanan na bunyɛ bandɔ gɔgaá, digódi áneé dinuanan na bilɔg biá maŋaŋa na muhiligine umúmáníganinaá guísi guá mbíne ugugányɛ, na bilɔg biá bileénde ibínya agadánagadá gá guísi na gumɔn.

Bísógólónyónónu kanda nidɔgíná, alánánɔ bunyɛ mbísógóli gidigid nuond nuɔŋɔn uguá Gileénde giá Budányɛ. Gígánánɔ gɔg mpunyá nuond nubá gilád uguá mbísógóli binɛŋ gidigid gá busió buá beédébi gidigid.

Bíláŋánánɔ na malaŋ má bidí má Uhaluá gá gueleé nuhigin dudádɛ duá abɛlɛ́bɛl.

Buand buáguɔ́, gɔ́lɔ́nɔ́n dabdab malaŋ má bidí má Uhaluá, gá gueleé uguá guól guá gilɔg giá buɔ́sɛ gídinúnyɛ́n, egélém gá gidul, nugíga gindényé nusímb ambanɔ.

Ginɛŋ gidigid, gɔ́lɔ́nɔ́n guágɔdɛ́m hana giɔlɛ, gíánáal áneé gíhúe biíla biá yoógi biá Mɔndɔ wa mamb. Dáŋábánánɔ gisódie hana ibɔd hiá nuayɛ, nugálɔ nuá Uhaluá hana nnyémél iyɛɛ́ Gileénde giá Budányɛ gídóŋonyeé.

Ánaá núbá delimine, nubiág hómohómue uguá nidál hana kandá, nubiág gindényé hana gisɔn giá nuayɛ, guond anaá núbá mɔdɔg gá dógonye Ginɔ́g giá Nsɔ́m giá bumbénu hana núbiáganaá bibɔ́gɔ́d.

Gá yib, gɔ́lɔ́nɔ́n bugaga buánɔ uguá búlada buá Ɔgúná, uguá buŋaŋa ubúmebídíyé hómohómue na bugaga.

Gibídína giá busió, igínya súsɔ́n na ndán gígínya áneé: «Ɔ́bɔ́nɛ́n síe wahɔ na noódíe wahɔ, gá gueleé abá beseé ond abalaga na nusɔ́da nuá guyah eguísi aga.»

Biayɔ, ánaá núɔ́bɔnɛn mbíényi siánɔ uguá Ɔgúná, gá giagiá búnyɛ gindényé.