Yɔɔ́guɔŋɔn yɔ́ áneé, uguég guá bilɔŋ biá bá nnuɛ́m na nigúmi niég, ugunínie gubá guánɔ uguá idɛ́m uguég guá buŋaŋa buá Gileénde. Ánaá waál áneé Klístus ugíga uguánɔ guá idɛ́m uguánɔ guá guágɔdɛ́m. Luánánánɔ iŋaŋ uguá ginɔ́nɛ́n, nubíhágɛn uguá ginɔ́nɛ́n uguɔ́g. Agányɛ núgabianɔ́ bugaga buá guɔ́bɔnɛn na beédébi gidigid, hana ginɔ́nɛ́n giá Klístus gínya saámbagadagada, guyah, buyáŋ na súluúm. Nuonónd nulɛns gɔg ginɔ́nɛ́n giá Klístus igídúmbanaá gulɛns gidigid, gá gueleé nubá obóhónón na muand gidigid umúnya agá ɔdɛ́m huá Uhaluá.