Popular Bible Verses from 2 MBAN̄G 5

Share

Naaman ń i ngol áskar gə̄ yā mban̄g kə́ Aram ní i deē kə́ kɔ́ɔ̄n gḛyn ngá̰ý, adə̄ a̰a̰ tan loo kɔr̄ najə̄ tə́ karī, tɔdɔ̄ Kɔ́ɔ̄ɓē tetə rɔ̄ɔ̄ adə̄ Aram gə̄ i kə kūl̄neé. Ba deē ngeé ń toō ń i go̰ rɔ̄ɔ̄ ní, i nge bānjə̄.

Elije əla deē kógə̄ḿ rɔ̄n tə́ kadə̄ ədan na: Āw̄ ī-ndogə̄ man̄ bā Jurdḛ nja sīrí anī dā̰í a unjə̄ ō, bānjə̄ kə́ rɔ̄í tə́ a ur̄ kɔ̄ɔ́ ō.

Naaman aw̄ əla rɔ̄n kum bā Jurdḛ tə́ nja sīrí tītə̄ ń deē yā Nə́ɓā ədań ní, anī bānjə̄ kə́ rɔ̄n tə́ ur̄ ō, dā̰n tél to tītə̄ dā̰ ngōn̄ kásə̄ beé ō.

Loo ń noō tə́ wōn̄g rāā Naaman adə̄ ní ɔtə kə wōngōó ba əda na: Mā m-ɔ́jəń na a teē yā reē rɔ̄ḿ tə́ yā ra kə njan kə́ dɔɔ́ ɓārə́nń rī Kɔ́ɔ̄ɓē Nə́ɓā yān ō, kəla jīn kɔdəń looḿ ń moy i tū tə́ ní ō, kadə̄ bānjə̄ kə́ rɔ̄ḿ tə́ urə̄ń.

Banī ngé kəla yān gə̄ aw̄n̄ rɔ̄n tə́ ɔrə̄n̄ najə̄ seneé ədam̄ na: Bɔbə̄jí, ré nge koō ta ədaī na kə ī-rāā yá̰á̰ kə́ ngan̄g ngá̰ý anī, ā ī-rāā aĺ a? Á ī-ndogə̄ man̄ ngóy kadə̄ rɔ̄í unjə̄ń tá ī-mbātə́ ní.

Ndɔ̄ kógə̄ḿ tə́ anī, ngōn̄ kə́ dəyá̰ ní əda kɔ́ɔ̄n kə́ dəyá̰ na: Nəńgé tə́ kɔ́ɔ̄ḿ Naaman aw̄ ugə̄ rɔ̄ nge koō ta kə́ Samari tə́ anī, ni a rāā kadə̄ bānjə̄ kə́ rɔ̄n tə́ ur̄ a kɔ̄ɔ́.