Popular Bible Verses from 2 MBAN̄G 6

Share

Gō tə́ anī Elije ndɔ̄ȳ Nə́ɓā, əda na: Ɓɔ́, Kɔ́ɔ̄ɓē, ī-teē kumən ādə̄ a̰a̰ loo! Kɔ́ɔ̄ɓē teē kum nge kəla yā Elije. Anī ni-a̰a̰ sə́nda gə̄ ō, púsə hor gə̄ ō, gīrə̄n̄ gidə Elije, taān̄ loo dɔ mbalá malang.

Anī Elije tél ədan na: Ī-lōō ɓōĺ! De gə̄ ń i sejí ní nin̄ i ngá̰ý tɔȳ ngé gə̄ ń i sedə́ ní.

Nge kəla yā Elije ḭḭ dɔɔ́ kə gír looí ba teē kɔ̄ɔ́ kem ɓēé, anī a̰a̰ kadə̄ ɓūtə̄ ngé rɔ̄ɔ̄ gə̄ gīrə̄n̄ gidə ɓē kə sə́nda gēé ō, kə púsə́ sə́nda gēé ō. Ni-əda Elije na: Á! Kɔ́ɔ̄ḿ, j-a jə-rāā i ba̰ý?

Aram gə̄ a aw̄n̄ kə̄ rɔ̄ Elije tə́, anī ni ndɔ̄ȳ Nə́ɓā əda na: Kɔ́ɔ̄ɓē, ī-rāā ādə̄ kum nápar de gə̄ ń toō a̰a̰ loo alé! Anī Kɔ́ɔ̄ɓē rāā adə̄ kumdə́ a̰a̰ loo alé tītə̄ ń Elije ədań ní.

Anī deē yā Nə́ɓā dəjen na ké əsō i rá wa. Anī ni ɔjən loo ń əsō tū tə́ ní. Elije tə́ga gūrū kāgə̄ kógə̄ḿ ənī loo ń njár̄ kə̄ngā əsō tū tə́ ní. Anī njár̄ kə̄ngā ní teē al dɔ man̄ tə́.

Deē kógə̄ḿ dandə́ tə́ ra a tə́gā kāgə̄ anī njár̄ kə̄ngā yān teē əsō maná. Deē ní un ndūn kə̄ dɔɔ́ ədan na: Á, kɔ́ɔ̄ḿ, i kə̄ngā kə́ m̄-ndə̄mā i mbée!

Elije əda deē ní na kə un. Anī deē ní əla jīn unəń.