Popular Bible Verses from 2 MBAN̄G 4

Share

Anī Elije dəjen na ké i rí n kə n-rāā tām̄ yān tə́ wa. Ké yá̰á̰ ń aw̄ń kem kújú ɓēé ní ké i rí wa, kə ədan. Dəyá̰ ní tél əda Elije na n-ənge yá̰a̰ alé, ba i na yibə̄ kə́ yā ndum ngóy n noō ní.

Nə̄yá̰ deē kógə̄ḿ kə́ dan ɓūtə̄ yā ngé koō ta gə̄ tə́ rāā Elije ɓɔ́ kadə̄ kə rāā seneé. Ni-əda Elije na: Ngaaḿ ń i nge kəla yāí ní oy kɔ̄ɔ́ ō, ī-ger̄ majə kadə̄ ni i de kə́ nge ɓōĺ ndíĺ Kɔ́ɔ̄ɓē ō. Ba dəngam ń kə̄rā yān i dɔjí tə́ ní reē kəhɔ ngánə́ḿ kə́ dəngam kə́ jōó gə̄ tə́ yā kaw̄ rāādə́ ɓəlo tə́ kum kə̄rā ní.

Elije ədan na: Āw̄ ī-ndə̄mā madə̄ ɓēí gə̄ malang kū yibə̄ kə́ kem karī gə̄. Ba ī-ndə̄mādə́ kū yibə̄ gə̄ ní ādə̄ təsóo.

Gō tə́ anī ūtī ta kújə dɔsí tə́ kə ngání gēé, ba ī-tūr̄ yibə̄ ní kem kū gə̄ ní tə́. Ré kū kógə̄ḿ rosə anī, ɔ̄rən kə̄ gogə́, ɔ̄rən kə̄ gogə́.

Rāān̄ kəla ní beé anī kū gə̄ rosən̄ kɔ̄ɔ́ malang. Adə̄ dan ń dəje ngōnən kógə̄ḿ kū yibə̄ kə́ kem karī anī, ngōnən əda na kū kə́ kem karī na gətóo. Loo ń noō tə́ yibə̄ ń a a̰ȳ ní gír gān̄g kɔ̄ɔ́.

Dəyá̰ ní aw̄ ɔjə deē yā Nə́ɓā yá̰á̰ ń rāā yá̰á̰ ní, anī deē yā Nə́ɓā ədan na kə aw̄ kə igə yibə̄ ní kə əgan̄ kə̄rā dɔn tə́. Ba gotə nar ń a na̰y ní kə əsan̄neé yá̰a̰ kə ngánən gēé.

Dəyá̰ ní ɔtə aw̄. Dan ń ugə̄ ɓēé anī, utə̄ ta kújə dɔn tə́ kə ngánən gēé. Ngánən gə̄ i ngé kadə̄n kū gə̄ ba ni i nge tūr̄ yibə̄ kemeé.

Gō tə́ anī laa dɔ ngōn̄ tə́ ba əndā tan ta yān tə́ ō, ə̄ndā kumən ta yān tə́ ō, əndā jīn dɔ yān tə́ ō. Dan ń ni laa dɔn tə́ tītə̄ ń noō ní a, rɔ̄ ngōn̄ əɓa təngā.