Popular Bible Verses from Matayo 6

Share

Murhange mushonde obwime bwa Nnamahanga n'ebikwaneene embere zaage, naye abayushulira ebyoola bindi byooshi.

«Murhalemaga mwachilunza elugulu w'ebyaaba omuseezi, kwenge ebyoola byachilibukira byonyine. Ngasi lusiku lugwerhe amaage malibuko maluyeneere.»

«Cho girhumire mbabwirire ntya: ‹Murhachilunzaga elugulu w'akalamo kenyu mpu bichi mwalya changwa bichi mwanywa, changwa elugulu w'omubiri gwenyu mpu bichi mwayambala.› Akalamo kali k'obulagiirire kulusha ebiryo, n'omubiri kulusha emyambalo.

Aliko wooyo amango oli wasaliira, ja omu busiika bwawe. Chinga omulyango onasaliire Yisho orhabonekana. Na Yisho, onabona ebijiro byaawe omu bwibisho, nj'aguhemba.

«Tala gurhe mukwaneene gusaliira: ‹Daarha oli omu mpingu! Eziino lyaawe likuuzwe, obwime bwawe buyinje, obulonza bwawe buleme bwajirika omu gulu nk'omu mpingu.

Oleme warhuha ebiryo byeerhu bya ngasi lusiku

oleme warhubabalira amabi meerhu, nk'oku neerhu rhunababalira abarhujirire amabi.

Orhalemaga warhuleka rhwaja omu chigeregezo, aliko oleme warhulanga oku Shetaani. [Kwenge oBwami, obuhashe n'obukuuze biri byaawe esiku n'amango! Bibe ntyo!]›»

«Akonva munababalira abantu amabi maabo, Yisho w'empingu naye abababalira.

Mulole, enyunyi zirhahinga, zirhashaluula zirhanahaka emyaaka omu nguli. Aliko Yisho w'empingu aziliisa. K'arhali mwe muli babulagiirire kuzilusha?

«Murhalemaga mwachibikira ebikulo omu gulu, kwenge omushwa changwa egutu binabishereza. N'ebishambo binarhula enju n'okuzimba. Aliko muleme mwachibikira ebikulo omu mpingu, eyoola munda y'omushwa n'egutu birhabishereza, n'ebishambo birharhula n'okuzimba. Kwenge ah'ebikulo byaawe biri, ahoola h'omurhima gwawe nago guli.

«Ntaaye wakagala gukolera bannahamwabo babiri. Kwenge akagaya muguma anasiima owindi. Changwa agachishwekera ku muguma anakena n'owindi. Murhakagala gukolera Nnamahanga munakolere ebikulo.

Ebirhi by'elubala binabonekana zeene n'omuseezi byanakabulwa omu muliro. Chiro akaba ntyo, Nnamahanga anabiyambisa efulema zikwirire bweneene. Leero gurhe arhakabayambisa bwinja bweneene mwe bantu mugwerhe obwemeezi bugeeke?

Aliko wooyo, nka warhabala abakene, efune yaawe y'ekulembe erhamenyaga chiro ech'efune yaawe y'ekulyo eri yajira. Ebyo bijiro binja, oleme wabijira omu bwibisho na Yisho onabona omu bwibisho eby'oli wajira, nj'aguhemba.»

«Muleme mwachilanga, murhalemaga mwajira ebijiro binja embere z'abantu yi bababone. Kwenge mukajira ntyo, nta luhembo nji mwayankirira emwa Yisho oli omu mpingu.

«Amango muli mwachilahiza kulya, murhazinzaga amalanga nka ndyaalya. Zizinza amalanga yi ziyereke abantu oku zachilahiize kulya. Okuli, mbabwirire oku zikola zigwerhe oluhembo lwazo. Aliko wooyo, amango oli wachilahiza kulya, oleme wayooga onasanure enviiri zaawe, onayooge amalanga, y'orhayereka abantu oku wachilahize kulya. Aliko echo chijiro chimenyikeene na Yisho orhabonekana. N'oyoola Yisho onabona eby'ojira omu bwibisho aguhemba.»