Popular Bible Verses from Matayo 5

Share

«Ntaaye ochaana etara mpu aliyuubike kw'agarhanda, aliko alihanika oku gikondo, lyanamolekera booshi bali omu nju. Ntyo k'obumoleke bwenyu buleme bwamoleka embere z'abantu, yi babone ebijiro byenyu binja baleme banakuuza Yisho oli omu mpingu.»

«Mwabo muli bumoleke bw'egulu. Egishagala chiri oku musozi girhakabishwa.

Bagishirwe abagwerhe omurhima gucheere, kwenge babona Nnamahanga!

Bagishirwe abali nzara n'enyoorha y'okujira ebikwanene embere za Nnamahanga, kwenge bayuguswa!

«Aliko nyoono mbabwirire ntya: ‹Muleme mwasiima abanzi benyu munaleme mwasaliirira ababalibuza.›

«Bagishirwe abakene omu murhima, kwenge oBwami bw'empingu buli bwabo!

Bagishirwe abaleerha omurhuula, kwenge bahamagalwa beene Nnamahanga!

Bagishirwe abali balira, kwenge basiririzwa!

Bagishirwe abali balibuzwa elugulu w'okujira ebikwanene embere za Nnamahanga, kwenge oBwami bw'empingu buli bwabo!

Bagishirwe ababeera abandi obonjo, kwenge nabo baberwa obonjo!

«Mugishirwe amango abantu bali babadukanga, n'okubalibuza, banababeshere ngasi chinwa chibi elugulu waani. Muleme mwashagaluka n'oguchishinga, bulaala oluhembo lwenyu luli lunene omu mpingu. Kwenge ntyo ku balibuzaga abaleebi balamaga embere zenyu.»

Bagishirwe abagirhonda, kwenge bahabwa egulu kuba gashambala kaabo!

«Mwabo muli munyu gw'egulu. Aliko nk'omunyu gwamahwa obununu, bichi byagashuba kugugalulira obununu bwago? Gurhagachilunga chintu, sy'aliko gwanakabulwa embuga n'okulabarhwa n'abantu.

Mujaage mwaba abakwaneene, nk'oku Yisho w'empingu anaba akwaneene.»

Echinwa chenyu chibe ‹Neechi, ye na neechi›, ‹Nangwa, ye na nangwa.› Kwenge nka muyushwire ebindi binwa kw'ebiila, eyi byarhenga emwa Shetaani.»

«Mwayunvirhe oku byaderhwaga ntya: ‹Eliisho oku liisho, n'elinyo oku linyo.› Aliko nyoono mbabwirire oku akaba omuntu abajirire amabi, murhagihooleraga. Akaba omuntu agushurhire oku rhama ly'ekulyo, onamurhege ely'ekulembe.

Akonva eliisho lyaawe ly'ekulyo lyagarhuma wajira echaaha, oliyoomole onalikabule hale. Kwenge kuli kw'obulagiirire oku wooyo oguheza chirumbu chiguma chonyine ch'omubiri gwawe, ahaali h'omubiri gooshi gukabulwe omu muliro gw'esiku n'amango. Akonva efune yaawe y'ekulyo yagarhuma wajira echaaha, oyiche onayikabule hale, kwenge kuli kw'obulagiirire ku wooyo oguheza chirumbu chiguma chonyine ch'omubiri gwawe, ahaali h'omubiri gooshi gukabulwe omu muliro gw'esiku n'amango.»