Popular Bible Verses from Matayo 7

Share

«Muleme mwahema yi muhaabwe, muleme mwashonda yi mubone, muleme mwakongoorha yi muchingulirwe.

Kwenge ngasi yeeshi ohema, anahaabwa. Oshonda, anabona. N'okongoorha, anachinguulirwa.

«Ntyo ku ngasi muntu oyunva ebi binwa byaani n'okubihira omu bijiro, ashushire nk'omuntu w'obwenge wayumbakire enju yaage oku baale.

«Byooshi mushondere abantu babajirire, nenyu mubajirire byo. Ebyoola by'eRhegeko lya Muusa n'ebitaabu by'abaleebi biyigiriza.

Aliko omulyango gujire ebw'akalamo goowe gufundereere. N'enjira eyerekeze yo nayo efundereere. N'abantu bagerera mw'eyo njira bageehere.

«Mugerere omu mulyango gufundereere. Kwenge omulyango guyerekeere ebwaguhera gugalihire, n'enjira ejire yo egalihire. N'abantu bagerera mw'eyo njira balugire.

«Chiro akaba mwabo muli babi, aliko muyinji guha abaana benyu ebintu binja. Leero gurhe Yisho oli omu mpingu agafundwa guhaana ebintu binja oku bamuhemere byo?

Yeesu ashuba kuderha ntya: «Murhalemaga mwachiira abandi olushinja yi nenyu murhalemaga mwachirwa lo. Kwenge nk'oku muchiira abenyu olushinja ku nenyu nji babachira lo.

«Aliko ngasi muntu oyunva ebinwa byaani arhanabihirire omu bijiro, ashushire nka muntu orhagwerhe obwenge wayumbakire enju yaage oku mushenyi.

«Girhumire walola ehirhi hiri omu liisho ly'owenyu, aliko orhakengereere elugulu w'omurhi guli omu ly'emwawe? Changwa gurhe wakagala kubwira owenyu ntya: ‹Ndeka nkuule ehirhi hikuli omu liisho, noobo omu lyawe muchiri omurhi?›

«Muleme mwachilanga oku baleebi b'obubeeshi. Babayinjira eyi bachijirire nka ntaama, aliko ey'omu mirhima yaabo bali banyambwe bakalihire. Abo baleebi, mwalema mwabamenyera oku bijiro byaabo. Kwenge abantu barhacha amalehe m'omuzabiibu changwa m'etiini oku mirhi y'emishaaki.

Ngasi murhi mwinja gunayaana amalehe menja. Na ngasi murhi mubi gunayaana amalehe mabi.

Omurhi mwinja gurhakayaana amalehe mabi, changwa omurhi gubi gurhakayaana amalehe menja.

Ngasi murhi gurhayaana amalehe menja, gunachiibwa n'ogukabulwa omu muliro.