Popular Bible Verses from Vafilipi 1

Share

Ano yangesi ame na yi diva nawa‐nawa asi, Karunga ogu ga tameka yirugana yendi yoyiwa mweni, nga yi sikisa mo mEzuva lyaJesus Kristusa.

Ame kuna kumukandererera asi, eharo lyeni ngano tali vhuka unene mediwo nomoukonentu naunye, asi mu wape kuhorowora yoyiwa po, mu kare muna kuhuka, one hena ngomu pire usima kovantu mEzuva lyaKristusa.

Yeeyi Kristusa eparu lyange, nomfa ngadi tungika nge.

Ame kupandura Karunga gwange apa ani mu gazara namuvenye.

Simwe selike po yiso esi asi, ukaro weni u lize noMbudi zoNgwa zaKristusa. Ntene ngani wiza kweni ndi ngani dire kuwiza, ngano ngani ya mu gwane, ndi ngani ya mu zuvhe asi tomu lizi mutjima gumwe, asi tomu rwire epuro lyokupura Mbudi zoNgwa nompepo zimwe tupu.

Eyi na ndindire po unene neyi na huguvara yeyi asi, narumwe si ame kufisa nge nomuga, nye eyi ngani kerera mupampi ngwendi mwanare, yiyo eyi asi Kristusa a fumane morutu rwange, ni paruke ndi ni fe.

One mwa gwana nkenda zokukerera Kristusa, kapisi pokumupura kwelike, nani nye nopokumunyandera.