Popular Bible Verses from Vaefeso 6

Share

Yeeyi kapisi vantu atu rwanesa, nani nye mapangero gonompepo atu rwanesa novanankondo novapangeli wouzuni ou womundema, nonompepo donondona dekeguru‐guru.

Omu kanderere nkenye apa oku tomu hundire ekwafo kwaKarunga. Omu kanderere omu azi mu pitisire Mpepo. Omu vangare oku tomu kovekeda kukanderera nkenye apa vapongoki navenye.

Humateni yirwiso nayinye eyi a mu pe Karunga, asi mu vhure kukondjesa ko makoto goumbudi goMuzonaguli.

Yipo nye nomu dwarera yirwiso nayinye yaKarunga, asi mu vhure kulipoperesa ko mezuva lyedona, one ngomu sikame ndjikiti, apa ngomu mana kurwa paapa mwa hulira.

Unene po damuneni silikandwiso sepuro sokudimisisa yikutji yomundiro, eyi a ponyesa Mudona. Tambureni uhwi weparu u kare ekoli lyeni, ano nonkango daKarunga edi azi mu pe Mpepo, di kare rufuro rweni.

Kareni nye muna liwapaike. Usili u kare liva romonombunda deni, ano uhungami yiwo sikoverero sosivera pononturo deni. Ano maliwapaikiro gokuudisa Mbudi zoNgwa zombili ga kare nonkaku dokonompadi deni.

Mokuhulilira, vakwetu, dwareni nonkondo daHompa, nonkondo domononkondo dendi dononene.

“O fumadeke oguho nonyoko.” Esi yiso sipango somuhowo sa kara nomatumbwidiro asi, “Asi o gwane erago nomwenyo gokupukura pevhu.”

Anone vanona, omu limburukwe kovakurona veni mwaHompa, yeeyi eyi yiyo ya hungama po.