Popular Bible Verses from Vafilipi 2

Share

Walye omu rugana yuma mokulitara pwaamweni ndi mokupapara efumano lyomawoko‐woko. Nye omu linunupike, tomu tara vakweneni asi va mu pita mekuto. Walye omu lipakere mbili nyamweni nyonelike, nye omu pakere hena novakweneni mbili.

Magazaro gokufana ngesi yigo nye nomu kara‐kara nago mokatji keni, moomu ga kere nago Jesus Kristusa.

Jesus nampili ngomu ga kere moukaro waKarunga, kapi ga sininikire mononkondo asi a hetakane naKarunga. Nye age kwa linunupikire, makura ta fana ngwendi musigona, kumutara muntuuntu. Age kwa linunupikire, ta limburukwa dogoro konomfa, nda dogoro nokonomfa dokosilivindakano deedi.

Yeeyi Karunga yige a rugana mweni, mu kare neharo nononkondo dokusikisa mo eyi ga panga.

Mokonda zeeyi, Karunga yiyo ga mu zerura unene, age yiyo ga mu ruka edina lya pitakana madina nagenye, asi navenye va twire edina lyaJesus nongoro, nava vemeguru nava vepevhu nawa wokonhi zevhu. Nkenye muntu a tongonone asi Jesus Kristusa Hompa, mokuyererepeka Karunga Guhwe.

Nayinye omu yi rugane mwa hana mavhunguto ndi esinganyeko. Omu kare vakuhuki novahungami, mu kare vana vaKarunga mwa hana sipo mokatji kovantu ava va penga, awo hena va puka, mu paime mokatji kawo ngwendi nombungururu edi adi minikire mouzuni.

Yipo nye vakwetu one ava na hara, moomu omu limburukwa narunye kwange, kapisi tanko ponili ntani, nye unene paapa ani pili po, kovekedeni nye mokuruganena eparu lyeni noutjirwe nekankamo.