Popular Bible Verses from JESAYA 42

Share

“Ame HOMPA kwa ku zigida, yiyo na ku pa nonkondo o tare asi uhungami va u rugane pevhu. Ame ngani tura po elikwatakano novantu navenye moroge; ano nomuhoko ngadi gwana uzera moroge. Ove ngo mahura meho govatwiku to mangurura ava vana hingire monodorongo dodovera.

“Ame nyamelike HOMPA Karunga goge. Kutupu Karunga gwapeke, kapi ngani tarerera vakarunga woyimpempa va gwane ko efumano lyange.

HOMPA kuna kutanta asi: “Ogu yige mukareli gwange ogu na nkondopeka — ame kwa mu horowora, age yige gwa hara mwenyo gwange, ame kwa mu zwida mpepo zange, age nga twarera nkenye muhoko uhungami.

Ruu rokutauka kapi nga ru tezagura, ano kage koramba, kapi nga ka dimisa. Age nga twara uhungami wanarunye kwanavenye. Kapi nga zumbanesa endindiro ndi uradi, dogoro noku nga dika uhungami pevhu. Ano yirudi kuna kundindira erongo lyendi.”

“Ngani gendesa mbunga zange zontwiku mononzira edi za dira kugenda rumwe. Mundema gwamo ngani gu pirura gu kare uzera sirongo sawo soyingungunya ngani si hetakanesa komeho zawo. Aga yigo matumbwidiro gange, ngani ga sikisa mo ya hana kulimba nge.

Yininke eyi nina divisa, yina lihorora asi yousili. Ano nye ntaantani, tani ku tantere yininke yoyipe nampili kapi yina horoka simpe.”