Popular Bible Verses from JESAYA 41

Share

Wa ha tjira — ame noge na kara! Ame nyame Karunga goge — patupu yokukutjilisa! Ngani ku nkondopeka tani ku kwafa; ngani ku popera tani ku parura.

Nyame HOMPA Karunga goge; ogu ani ku nkondopeke nina kutanta asi: Wa ha tjira, ame tani ku kwafa.”

“Ava vana ku handukire ngava fa nomuga tava swauka. Ava vana kukurwisa, ngava fa

Ame kwa mu gusa komauhura gouzuni; ame kwa ku zigida komakovhu gokoure‐ure, tani ku tantere asi: Ove mukereli gwange. Ame kapi na ku nyenga, nye kwa ku horowora.

tava dongonoka ko konauzuni.

HOMPA ta tanta asi: “Israeli, nampili o nunupe ngapi ndi o yove, wa ha tjira, ame ngani ku kwafa. Ame nyame Karunga Mupongoki gwaIsraeli, nyamelike thi gokukuparura.

“Nye ove Israeli mukereli gwange, one mbunga ezi na horowora, nontekuru daAbirahamu, mukwetu.

Ame ngani ninka nomukuro di pupe pokatji koyindundu yomamanya, nomarunone gomema ngaga pupa monomuramba. Mburundu ngani zi situnukisa madiva gomema, nosirongo sa kukuta, ngani si ninka si pupe marunone.

“Apa ngazi hepa mbunga zange zi papare mema, nonomuliu dawo apa ngadi kukuta di notwere, ame HOMPA yipo nye ngani limbwilira ekanderero lyawo. Ame Karunga gwaIsraeli, kapi ngani va siga nampili nakauke.

Yilye ogu ga yi ninka yi horoke eyi? Yilye ogu ga panga sitambo sahistoli? Ame HOMPA, nyame na kere po petameko, ano ame HOMPA hena nyame ngani kara po pehagero.

Ame ngani ka menesa momburundu yitji yosedeli neyi yoakasiya neyi yomirete neyi yomauzwe. Mawiza ngaga kara mosirongo somburundu, mawiza gomaunyandi nonomuhongo nosiperesi. Vantu ngava mona eyi, makura ngava diva asi, nyame HOMPA na yi rugana. Awo ngava yi kwata egano asi, Karunga Mupongoki gwaIsraeli yige ana yi ruganesa.”