Popular Bible Verses from JESAYA 43

Share

Tareni yoyipe eyi nani ka rugana. Ayo nare ya horoka — nye apa ngesi ntani muna kuyimona! Ame ngani paka nonzira momburundu tani mu pe mo nomukuro domema.

Nsene ngo genda petondo, ame ngani kara kumwe noge; maudigu goge kapi ngaga ku diinina po. Nsene ngo genda momundiro, kapi ngo pya; maheteko gomadigu aga ngaga wiza, kapi ngaga ku remeka.

Nye HOMPA ta tanta asi: “Mwa ha kakatera kweyi yanare ndi mu pakere po mbili eyi ya horauka nare.

Israeli, HOMPA ogu ga ku unga kuna kutanta asi: “Wa ha tjira — ame ngani ku parura. Ame kwa ku tumbura kedina — ove gwange.

Ame ngani gava nomuhoko nadinye pevega lyomwenyo goge, morwa ove ntumbu kwange kwa ku hara yiyo na ku fumadeka.

Yeeyi ame nyame HOMPA Karunga goge, Karunga gokupongoka gwaIsraeli, ogu a ku parura. Egipite tani mu gava nga ku mangurure ngani gava Sudani naSeba.

Wa ha tjira — ame noge na kara! “Ame ngani reta vantu vange kwawo, va tundilire kantando koUpumezuva nokoure koUtokero.

Nye nampili ngoso, ame nyame Karunga ogu ani dongonona po nonzo doge, ame kuyiruganena eyi morwange nyaamwange. Ame kapi ngani horeka nonzo doge.

“Mbunga zaIsraeli, one nyone nondipo dange; ame kwa ku horowora o kare mukereli gwange, asi ngano o dive nge, to pura mwange, o yi kwate egano asi ame nyamelike Karunga. Kutupu hena Karunga nagepeke; kapi ga kara ko rumwe; hena narumwe si nga kara ko.

“Ame nyamelike HOMPA anihuru gokukukwafa.

Ame nyame Karunga dogoro dogoro. Kutupu gokuhenduka nonkondo dange; kutupu gokurundurura eyi nina kurugana.”

Noyikorama yeeyi ngayi fumadeka nge; vambanze nonompo ngadi panda nge apa ngani ninka nomukuro di pupe momburundu ni gave mema kombunga zange ezi na horowora. Awo vantu ava na lisitira nyamwange, awo ngava dimba yehamberero lyange!”

Ngani tantera Vamuzogo ngava va sige va ze, noVambindakano asi va ha va ligegera. Sigeni vantu vange va tunde koyirongo yaure, komaruha nagenye gomouzuni. Awo vantu vaamwange ame kwa va sitira asi va fumadeke nge.”

Nare‐nare HOMPA kwa rugene nzira mefuta, elira momema gononkondo. Age kwa twere mbunga zovakwayita zononkondo mezonauko, vakwayita woturukara toyita nononkambe. Tava gu va hana kupinduka hena, tava dimi po navenye‐venye moomu ava dimisa kinteli.

Ame nyame HOMPA, Karunga goge gokupongoka. Ame nyame na ku sita, ove Israeli, ano nyame HOMPA goge.”