Popular Bible Verses from JESAYA 40

Share

Age kunkondopeka varupirankondo ava va roroka.

Nampili vadinkantu kupira nonkondo; vadinkantu kupunduka tava gu. Nye ava ava huguvara ekwafo lyaHOMPA ngava gwana nonkondo donompe. Awo ngava tukisa mavava ngwendi makuvi; ngava duka nye nokuroroka si; ngava genda nye nokutwama si.

Kapi nye wa yi diva? Ndi kapi wa yi zuvha? HOMPA, Karunga gwanarunye; yige ga sita uzuni mudima. Age kapi a kurupa ndi a roroke. Nagumwe si a kwata egano yigazo yendi.

Ezwi kuna kuzigira asi: “Wapekereni HOMPA nzira mowiza! Hetakanesereni Karunga gwetu nzira momburundu!

Wayi kukukuta, mbya kurembuka, nye nonkango daKarunga gwetu ngadi kara dogoro narunye.

Uyerere waHOMPA ngava u horora, ano yinamwenyo nayinye kumwe ngayi u mona, yeeyi kana kaHOMPA yiko kana yi tanta.”

Nkenye edamenena va li fofere; ano nkenye ndundu nokandundu va yi nunupike. Mapompwa ga hetakane, mavega gomamanya ga yerakane.

Siunda sendi nga si lisa ngwendi musita. Nga pongaika nonzwigona mokuwoko kwendi a di simbire ponturo zendi, nodidi ta di sindangeda nombili.

Ko tara si keguru! Yilye ga sita dina nombungururu ono kumona? Gumwe ogu a di pitisire ngwendi gogu a pitisire mbunga zovakwayita, age ga diva asi dingapi da kara age kuditumbura nadinye komadina gado! Nonkondo dendi nonene unene, patupu eyi ya lisempuka po!

Age gogu ga hingira posipundi sendi souhompa keguru lyevhu nekesinya kwina lyeguru yige ga yi sita; vantu vepevhu kuvatara ngwendi yimbumburugona. Age kwa zanzumuna eguru ngwendi ekehe, ngwendi tenta zokukara vantu.

Korangeda Vajerusarema. Va tantera asi nare va gusa kuhepa, makura nye. Nonzo dawo vana di va dongwenene po nye. Na va pangura yimo pa mokuzura morwanonzo dawo nadinye.”

Ezwi tali tanta asi: “Zigira mbudi!” Ame tani pura asi: “Mbudi musinke nani zigira?” Zigira asi vantu navenye kwa fana wayi; kukaramwenyo kwawo kapi kwa pitakana kombya zomosanzara. Wayi kukukuta, mbya kurembuka, nsene a tuma HOMPA mpepo zi yi pepere. Vantu kapi va kora kupitakana wayi.

HOMPA Mupangeli ta wiza a ya pangere nononkondo, age nga pitura vantu ava ga yoworora.

“Hengagwida vantu vange,” yimo ana kutanta Karunga. “Va hengagwida!

Pweli ogu gokuvhura kuheteka efuta nokuwoko ndi o heteke eguru nomawoko goge ndi? Pweli ogu gokuvhura kutura uzuni monkinda ndi o heteke nondundu kosiviha ndi? Kuvhura nye o tantere HOMPA eyi na rugana ndi? Yilye gokuvhura kumuronga ndi a mu pukurure? Yilye ogu a pura ko HOMPA mokuninkira asi a dive ndi a kwate egano ndi asi a lirongere ko omu ayi gendi yininke?