Popular Bible Verses from MUUDISI 3

Share

Nayinye eyi ayi horoka mouzuni ou, kuhoroka posiruwo esi ga horowora Karunga.

Age kwa paka po siruwo sehampuruko nosiruwo sonomfa, siruwo sokutapeka nosiruwo sokudura, Siruwo sokudipaga nosiruwo sokuverura, siruwo sokuzungurura nosiruwo sokutunga.

Age kwa paka po siruwo seguwo nosiruwo soruhafo, siruwo sokulira nosiruwo sokudana, siruwo sokulihara nosiruwo sokudira kulihara, siruwo sokulincumita nosiruwo sokudira kulincumita.

siruwo sokutavagura nosiruwo sokuhonza kumwe, siruwo sokumwena nosiruwo sokuuyunga. Age kwa paka po siruwo sokulihara nosiruwo sokulinyenga, siruwo soyita nosiruwo sompora.

Age kwa paka po siruwo sokugwana nosiruwo sokuzumbanesa, siruwo sokupungura nosiruwo sokuzuguma

Na diva asi nkenye eyi a rugana Karunga ngayi karerera. Nokuvhura si o gwederere ko yuma ndi asi o guse ko yuma. Ano posili simwe esi a rugana Karunga, sokutuninka tu mu tjire.

Makura tani litantere nyaamwange asi: “Karunga nga pangura vahungami novadona simwe tupu, morwa nkenye kaninke, nkenye karugana ngaka horoka posiruwo sako esi va paka po.”