Popular Bible Verses from MUUDISI 2

Share

Karunga kugava unongo nediwo nerago kwava ava mu hafesa, nye vananzo kuvaninka va rugane, tava pongaike tava pungura, makura eyi vana gwana ngava yi pe ava ava mu hafesa. Nayinye kutupu sikwafa. Ayo ngwendi mpepo tupu ono kutjida.

Sosiwa po esi ga hepa kurugana mugara sokulya oku ta nu a bodjane eyi ga pongaika. Nampili ngoso, ame na dimburura asi, nayeeyi si kwaKarunga ayi tundu. Ndi yilye ogu a li oku ta nu ya hana kutunda kwaKarunga?

Makura tani gazara nayinye eyi na rugana nomu na kondja mokuyirugana, makura tani dimburura asi nani nayimwe si. Ayo ngwendi gogu a tjida mpepo — kutupu sikwafo nampili kanunu.

Nkenye eyi na hara, tani yi gwana. Kapi na likerera nyamwange kwankenye ehafo. Ame ngani litumbadekere nkenye eyi nina kurugana, eyi yizo mfeto zange za kere.

Makura yipo na tunda ni dive asi, “Unongo wa pitakana ugova, moomu tupu wa kara uzera hasa kupitakana mundema.

Vanongo kumona oku vana kuvyuka, ano vagova ndangawo.” Nye na diva hena asi sitambo simwe tupu esi sa tu ndindira natuvenye.

To ruganene yuma nounongo woge naunye nediwo lyoge nounkurungu woge, makura nayinye o yi sigire hena gumwe ogu ga dira kuyiruganena. Kutupu sikwafa, ndi yimo sa!