Popular Bible Verses from متیٰ 16

Share

اوخته عیسیٰ دَ یارای خُو گُفت: ”اگه کسی میخایه که از مه پَیرَوی کُنه، اُو باید خود خُو ره اِنکار کُنه و صلِیب خُو ره باله کده از پُشتِ ازمه بییه.

و ما ام دَز تُو مُوگُم که تُو پِترُساَستی و ما دَ رُوی امزی قاده جماعتِ ایماندارای خُو ره آباد مُونُم و درگه های دوزَخ دَ سرِ ازُو زور نَمُوشه.

ما کِلی های پادشاهی آسمو ره دَز تُو مِیدیُم و هر چِیزی ره که دَ زمی بَند کُنی دَ آسمو ام بَند مُوشه و هر چِیزی ره که دَ زمی واز کُنی، دَ آسمو ام واز مُوشه.

چُون هر کسی که بِخایه جان خُو ره نِجات بِدیه، اُو ره از دِست مِیدیه، مگم هر کسی که بخاطرِ ازمه جان خُو ره از دِست بِدیه اُو ره دَ دِست میره.

بَلدِه اِنسان چی فایده دَره که تمامِ دُنیا ره دَ دِست بیره، مگم جان خُو ره از دِست بِدیه؟ یا اِنسان دَ عِوَضِ جان خُو چِیزخیل دَده مِیتنه؟

عیسیٰ ازوا پُرسان کد: ”شُمو مَره کِی مِیدَنِید؟“ شِمعون پِترُس دَ جواب شی گُفت: ”تُو مسیح اَستی، باچِه خُدای زِنده.“

اوخته عیسیٰ دَ جواب شی گُفت: ”نیک دَ بَخت تُو، اَی شِمعون باچِه یونا، چُون جِسم و خُوناِی ره دَز تُو معلُومدار نَکده، بَلکِه آتِه مه که دَ آسمو اَسته، معلُومدار کده.“