Popular Bible Verses from سُخنوَر 5

Share

بَلدِه واز کدونِ دان خُو عجَله نَکُو و دِل تُو بَلدِه گُفتونِ توره دَ حُضُورِ خُدا اَبَلَک نَشُنه، چراکه خُدا دَ عالمِ باله اَسته و تُو دَ رُوی زمی؛ پس تورای تُو کم بَشه.

امچُنان وختِیکه خُدا بَلدِه یَگو کس مال و دَولت مِیدیه و اُو ره میله که ازوا لذَت بُبره و نصِیب خُو ره بِگِیره و از زَحمت خُو راضی بَشه، اِی نِعمتِ خُدا اَسته.

کسی که پَیسه ره دوست دَره، از پَیسه سیر نَمُوشه و کسی که مال-و-دَولت ره دوست دَره، از عایِد خُو. اِی ام بےفایده اَسته.

وختِیکه دَ خانِه خُدا موری فِکر خُو ره سُون رفتار خُو بِگِیر، چُون نزدِیک اَمَدو بَلدِه گوش گِرِفتو بِهتر از قُربانی های اَسته که آدمای لَوڈه تقدِیم مُونه، چُون اُونا نَمِیدَنه که عمل-و-کِردارِ ازوا بَد اَسته.

وختِیکه بَلدِه خُدا نَذر مِیگِیری، دَ پُوره کدون شی دیر نَکُو، چراکه اُو از آدمای لَوڈه راضی نِیَسته. پس نَذر خُو ره بِدی.

بِهتر اَسته که نَذر نَگِیری، نِسبَت دَزی که نَذر بِگِیری و پُوره نَکنی.

خاوِ آدمِ کارگر شِیرِین اَسته، چی کم بُخوره، چی کَلو؛ لیکِن ثُروَتِ پِرَیمونِ آدمِ دَولتمَند، باعِث مُوشه که اُو خاو نَرَوه.

امُو رقم که اِنسان از کَورِه آبِه خُو لُچ دَ دُنیا مییه، امُو رقم لُچ پس موره، رقمی که اَمدُد؛ اُو از زَحمت خُو هیچ چِیز گِرِفته نَمِیتَنه تا دَ دِست خُو بُبره.