Popular Bible Verses from سُخنوَر 6

Share

چِیزی که دَ پیشِ چِیمای تُو حاضِر اَسته بِهتَر از خاهِشاتِ نَفس تُو یَه. اِی خاهِشات ام بےفایده اَسته و خیز کدو از پسِ باد.

هر چِیزی که وجُود دَره از گاه نام شی شَنده شُده و اِی که اِنسان چی اَسته، ام فامِیده شُده؛ اُو قد کسی که ازُو کده قَوی‌تَر اَسته جَر-و-بَحث کده نَمِیتَنه.

خُدا بَلدِه یَگو کس مال و دَولت و عِزَت مِیدیه، دَ اندازِه که هیچ آرزوی دِل شی باقی نَمُومَنه، ولے خُدا بَلدِه ازُو تَوانایی نَمِیدیه که ازوا لِذَت بُبره، بَلکِه یگ نفرِ بیگَنه ازوا لِذَت مُوبره. اِی ام بےفایده اَسته و بَدبَختی سخت.

تمامِ زَحمتِ اِنسان بخاطرِ دان شی اَسته، ولے نَفس شی هرگِز سیر نَمُوشه.