Popular Bible Verses from سُخنوَر 4

Share

از یگ کده دُو خُوبتَر اَسته، چُون اُونا از زَحمت خُو حاصِلِ خُوب دَ دِست میره. چُون اگه یکی ازوا بُفته، دِیگِه شی رفِیق خُو ره باله مُونه. مگم وای دَ حالِ کسی که بُفته و دِیگه کس نَبَشه که اُو ره باله کُنه.

امی رقم، اگه یَگو کس دَ بَلِه یکی ازوا زور شُنه، هر دُوی شی دَ برابرِ ازُو ایسته مُوشه. ریسپونِ سِه-لا زُود مُنٹی نَمُوشه.

امچُنان اگه دُو نفر قَتی خاو کُنه اُونا گرم مُوشه، لیکِن اگه یگ نفر بَشه چِطور مِیتَنه گرم شُنه؟

یگ دِستِ پُر که قد آرامِش قتی بَشه بِهتَر از دُو دِستِ پُر اَسته که قد زَحمت قتی بَشه، و بِهتر از خیز کدو از پسِ باد.

اوخته دِیدُم که تمامِ زَحمت و تمامِ کامیابی از حسادتِ یگ اِنسان قد همسایِه شی سرچشمه مِیگِیره. اِی ام بےفایده اَسته و خیز کدو از پسِ باد.

یگ جوانِ غرِیب که دانا بَشه، بِهتر از پادشاهِ پِیر و لَوڈه اَسته که دِیگه مشوَره ره قبُول نَمُونه.