Popular Bible Verses from دوّمِ قُرِنتیا 4

Share

پس نظر مو دَ چِیزای نِیَسته که دِیده مُوشه، بَلکِه دَ چِیزای اَسته که دِیده نَمُوشه، چُون چِیزای که دِیده مُوشه زُودگُذر اَسته، ولے چِیزای که دِیده نَمُوشه اَبَدی اَسته.

امزی خاطر مو دِلزده نَمُوشی. اگرچِه جِسم مو فرسُوده شُده موره، مگم باطِن مو روز دَ روز تازه شُده موره. چُون اِی رَنج-و-مُصِیبتِ سُبُک و زُودگُذر بَلدِه ازمو شِکوه-و-جلالِ اَبَدی و گِرَنگ-و-بااَرزِش ره حاصِل مُونه.

مو از هر نِگاه دَ رَنج-و-مُصِیبت اَستی، ولے مَیده نَشُدے؛ سردرگُم اَستی، ولے نَومِید نِیَستی. مو آزار-و-اَذیَت مِینگری، ولے تنها ایله نَشُدے؛ تاه پورته شُدے، ولے نابُود نَشُدے.

لیکِن امی گنج ره مو دَ کُوزه های گِلی دَری تا نِشو بِدی که تمامِ امزی قُدرتِ بُزُرگ از طرفِ خُدا اَسته نَه از مو.

دَ بارِه ازوا گُفته مِیتنی که شَیطو حُکمرانِ امزی دُنیا ذِهن های امزُو بےایمانا ره کور کده تا اُونا نُورِ خوشخبری ره نَنگره، نُورِ خوشخبری ره که جلالِ مسیح اَسته و مسیح چِهرِه خُدا.

چُون خُدای که گُفت: ”نُور از مینکلِ ترِیکی روشَنی بِدیه،“ دِل های مو ره روشو کد تا شِناختِ بُزُرگی-و-جلالِ خُدا دَ چِهرِه عیسیٰ مسیح از طرِیقِ ازمو روشوتَر شُنه.