Popular Bible Verses from دوّمِ قُرِنتیا 5

Share

پس اگه کُدَم کس دَ مسیح تعلُق دَشته بَشه، اُو یگ مَخلُوقِ نَو اَسته. چِیزای کُهنه از بَین رفت؛ اینه، پگ چِیزا نَو شُده.

چُون خُدا کسی ره که هیچ گُناه ره نَمِیشنَخت، بخاطرِ ازمو قُربانی گُناه جور کد تاکه مو دَ وسِیلِه ازُو، مردُمای عادِلِ جور شُنی.

چُون مو دَ مُطابِقِ ایمان زِندگی مُونی، نَه دَ مُطابِقِ دِیدو.

تمامِ امزی چِیزا از طرفِ خُدا اَسته که مو ره دَ وسِیلِه مسیح قد خُو آشتی دَد و خِدمتِ آشتی دَدو ره دَز مو سِپُرد، یعنی خُدا دَ مسیح بُود که مردُمِ دُنیا ره قد خُو آشتی مِیدَد. اُو خطا های ازوا ره دَ حِسابِ ازوا نَوُرد و پَیغامِ آشتی دَدو ره دَز مو سِپُرد.

پس مو از طرفِ مسیح توره مُوگی، بطَوری که خُدا از طرِیقِ ازمو درخاست مُونه. پس مو از طرفِ مسیح از شُمو خاهِش مُونی که قد خُدا آشتی کُنِید.

و اُو بَلدِه پگ مُرد تا کسای که زِندگی مُونه دِیگه بَلدِه خودون خُو زِندگی نَکُنه، بَلکِه بَلدِه کسی که بخاطرِ ازوا مُرد و دُوباره زِنده شُد. پس بعد ازی مو هیچ کس ره دَ مُطابِقِ اصُولِ اِنسانی قضاوَت نَمُونی، اگرچِه یگ زمان مو مسیح ره دَ مُطابِقِ جِسم مِیشنَختی، لیکِن آلی دِیگه اُو ره دَ مُطابِقِ جِسم نَمِینَخشی.

چُون مُحَبَتِ مسیح دَ بَلِه مو حاکِم اَسته و مو دَ اِی نتِیجه رسِیدے که یگ نفر بَلدِه پگ مُرد؛ امزی خاطر پگ مُرده.