Popular Bible Verses from အ့ဖ့းစူး 5

Share

အ​စာ်​ဘိ သံ​မၱာ်​က​ဘၱာ်​စဲာ်​အ​ဖဳး​ထဲၢ်​စ​ဘဲာ်​လီၢ်​တ​စီာ်​နဳၤ, ဝူၤ​သဲ​တဲၤ​ပၤ​ပီၢ်​စာ်​ဘိ​ထဲၢ်​သံ က​လါ​ကၱာ်​စဲာ်​နဳၤ. စာ်​ဘိ​ခ​ရၱာ်​ဘဲာ်​လီၢ်​ကဲာ် ကၱာ်​စ​အံာ်​လၤ​စ​သး​သ​မိ​က​နံၤ​ခံ အ​စာ်​ဘိ​တဲၤ လှူၣ်​နှူ​ဝံာ်​ထဲၢ်​အ​ဘဲာ်​က​ဘၱာ်​စဲာ်​အ​သး​အ​ခီ​နဳၤ, အီၣ်​သ​မိ​အံာ်​ပီၢ်​တဲၤ​ဘဲာ်​လီၢ်​သီၣ်​ကျဲ.

က​နဳၤ​အ​ခဳး​အ​စဲ, ဆီး​အံာ်​ဝဳၢ်​အံာ်​ပီၢ်​သံ တဲၤ​အီၣ်​သ​မိ. မဲၤ​ပီၢ်​မဲး​အ​စာ်​ဘိ ပၠၤ​အ​က​ဓူၤ​နၤ​ပါ တ​စီာ်​မဲၤ​နဳၤ​မဲး, မၱာ်​အီၣ်​အံာ်​ပီၢ်​တဲၤ​ဇၤ​တဲၤ​ပျၤ. တဲၤ​အ​ခၠၱး​အ​ခး​ကၱာ်​တဲၤ​ခွဲး​တဲၤ​ယာ်​ထဲၢ်​န​နံၤ ဘဲာ်​အ​ရါ​နဳၤ, မဲၤ​အံာ်​ပီၢ်​စဲာ်​တဲၤ​အဲး​အ​နံၤ​ခံ. မၤ​နဲၢ်, မူၤ​နံၤ အ​ယဳၤ​တ​စီာ်​မၱာ်​အ​ကၱ​ကဲာ်​မဲၤ​လှီ လီၤ.

မဲၤ​အံာ်​ပီၢ်​မဲး​တဲၤ​အီ​မှူး​အၣ်​ပီး ထဲၢ်​အ​မဲၤ​ကဲ​မဲၤ​အိး​သံ​နဳၤ​မဲး, မၱာ်​အံာ်​ပီၢ်​သး​စါ​ထံ​ပ့​ထာ် သံ​သး​ပူၤ. ယၱၢ်​ဘဲာ်​ထၱး​လှဲး​ပီၢ်​လၢ်​ဝၤ စဲာ် ထါ​ထာ်​အံာ်​အ​တဲၤ​ယၱၢ်​ဘဲာ်, တဲၤ​သါ​ပိၢ်​ထါ​အံာ် ကၱာ် တဲၤ​ကီၢ်​အံာ်​ထါ​အံာ်​အ​တဲၤ​ယၱၢ်​ဘဲာ်, ဒဳ​သဳး သး​အ​တဲၤ​စါ​တဲၤ​ထံ​အ​ပူၤ​နဳၤ. ဒဳ​ဝၤ​ဘၱာ်​စဲာ် ယ့ၣ်​ရှူး​ခ​ရၱာ်​အ​မံၤ​အ​ပူၤ, ကီၢ်​အံာ်​ထါ​အံာ် က​ဘၱာ် စဲာ်​ပာ် ဒဳ​တဲၤ​လဳ​စါ​စဲး​အ​ပူၤ​အ​သဲာ်​ယိ​နဳၤ.

မဲၤ​က​နဳၤ​ဒဳၣ်, မဲၤ​နံၤ​ကူၤ​ဓံ​ပ့ၤ​ပီၢ်​မဲး​သံ န့ၤ​မဲး, မၱာ်​ဝၢ်​လှဲး သၱာ်​ဟဲ​ပီၢ် က​ဘၱာ်​စဲာ်​အ​တဲၤ သး​အဲး​နံၤ​သံ​က​မဲၤ​မၱာ်​တၤ​နဲၢ်​နဳၤ.

အ​ဝၤ​တ​စီာ်, ဘဲာ်​လီၢ်​ပီၢ်​သံ​မှဲ အ​စာ်​ဘိ ခ​ရၱာ်​ဘဲာ်​လီၢ်​အ​တဲၤ​အီၣ်​ပျဳာ် ကၱာ်​အံာ်​လၤ​ကဲ​အ​သး​အ​ခီ​နဳၤ.

လှ့ အ​အူ​ဆူး​နဳၤ သံ​သဲ​န့ၤ​မၱာ်​ကဲၤ​အ​အီၣ်​တဲၤ​ခံး​ကျဲ, ပ​ရၤ​ဆါ, စး​ထာ်​ဘ့​သံ​မၱာ်​က​ဘၱာ်​စဲာ်​အ​ပၠၤ​ခွံ​ဖဳး နဳၤ, သံ​မၱာ်​ကဲၤ​ပၠၤ​အ​အီၣ်​တဲၤ​လှၱ​ကျဲ. မဲၤ​က​နဳၤ​ဒဳၣ်, အီၣ်​ပီၢ်​အ​စာ်​ဘိ ပၠၤ​အ​ဘဲာ်​ကၠး​ကၱာ်​တဲၤ​လှၱ​ဖဳး​အ​ခီ​နဳၤ.

တ​ပွဲၤ​ကၱာ်​တ​ပွဲၤ, ခး​ဟိ​ခး​ယီၤ​လှဲး​ပီၢ် လၢ်​ဝၤ ဒဳ​တဲၤ​ဒဳ​တဲၤ​ယး​ခ​ရၱာ်​အ​ပူၤ​နဳၤ.

အ​မှဲ​တ​စီာ်, ခး​ဟိ​ခး​ယီၤ​ပီၢ်​သံ​ဝၤ​အ​စာ်​ဘိ သံ​ခး​ဟိ​ခး​ယီၤ​သံ​ဘၱာ်​စဲာ်​အ​ခီ​နဳၤ.

ပ​ရၤ​ဆါ, မၱာ်​အ​ဘဲာ်​ကၠး​သံ တ​ပွဲၤ​ကၱာ်​တ​ပွဲၤ​လီၤ. အ​ဝၤ​ကိ​အ​ပွဲၤ​ဘဲာ်​ဘဲာ် လီၢ်​အ​မှဲ​အ​စာ်​ဘိ စ​ဘဲာ်​လီၢ်​လၤ က့ၤ​စ​န့ၤ​နဳၤ, ကၱာ်​အ​မှဲ​ကိ​အ​ပွဲ ဘဲာ်​ဒဳ ဘဲာ်​ယး​ဘဲာ်​အ​ဝၤ​လီၤ.

အ​စာ်​ဘိ​တဲၤ​ဝှ့း​လၤ​အီၣ်, “​က​ယဳၤ​အ​ခဳး အ​စဲ, အ​မံၤ​ခဳ​က​ဟဲး​ပၢ်​အ​မဳၤ​အ​ပာ် ကၱာ်​လဲၢ်​ပျဳာ် အ​န့ၤ​အ​မှဲ, ကၱာ်​ပၠၤ​ကၠၱၢ်​ပွဲၤ​က​ကဲာ်​ထာ်​ကီ တဲၤ​န့ၤ ဘၱ​စဲာ်​တ​ပွဲၤ​လီၤ.”

မဲၤ​ကိာ် ပီၢ်​မဲး​တဲၤ​ခံး​တဲၤ​နဲၤ​အ​တဲၤ​မဲၤ, ထဲၢ်​အ​တ​ဝၤ​နဲၤ​နီး တ​စီာ် အ​စာ်​ဘိ​ပၠၤ​လ​ဝ့ၤ​မဲၤ​နဳၤ​မဲး. မၱာ်​မဲၤ​လၱၢ်​ထာ် ပီၢ်​ဒဳ​တဲၤ​လှၱ​ကျဲ​နဳၤ​တ​ခီ.