Popular Bible Verses from အ့ဖ့းစူး 4

Share

ခီး​သး​ဒီ​လှဲး​ပီၢ် လၢ်​ဝၤ, ခီၣ်​ဝဲၤ​လှဲး​ပီၢ်​လၢ်​ဝၤ, ဘါ​ပျဲး​လှဲး​ပီၢ်​လၢ် ဝၤ​အ​တဲၤ​မဲၤ​က​မဲာ်, အ​စာ်​ဘိ က​ဘၱာ်​စဲာ်​အီၣ်​ဒဳ ခ​ရၱာ်​အ​ပူၤ ဘါ​ပျဲး​ကဲၤ​သံ​တဲၤ​မဲၤ​က​မဲာ်​အ​ခီ​နဳၤ.

ဆး​လၤ​သဲာ်​ယိ​ပီၢ်​သံ န့ၤ, အီၣ်​အံာ်​ပီၢ်​တဲၤ​ဘၱာ်​တဲၤ​ယူၢ် ကၱာ်​တဲၤ​ခီး​သး ဒီ​ဝၱၢ်​သး​ဇိၤ. ဒဲ​လၱၢ်​ပီၢ်​သံ​တဲၤ​ဘဲာ်​လီၢ်​လှဲး​လၢ်​ဝၤ တ​ပွဲၤ​ကၱာ်​တ​ပွဲၤ ဒဳ​တဲၤ​ခီး​သး​ဒီ​အ​ပူၤ​နဳၤ.

တဲၤ​ယၱၢ်​ဘဲာ်​အ​ကၱ​ကဲာ်​မဲၤ​လှီ​နဳၤ, အံာ်​မဲး​အ​ဟဲး ထာ်​ဒဳ​သံ​ဧီၢ်​ဗူ​မဲး, မၱာ်​ယၱၢ်​ဘဲာ်​ပီၢ်​တဲၤ​ယၱၢ်​ဘဲာ် အ​မီၤ​အ​အဲး​ထဲၢ်​အ​မဲၤ​လ့ၤ​ထာ်​လ့ၤ​ထိ​တဲၤ, စာ် ဘိ​ထဲၢ်​ပၠၤ​အ​ဆီး​ခ့​န့း​ဘဲာ်​တ​စီာ်​က​နံၤ​ခဳး​နံၤ​အါ ပီၢ်​နဳၤ.

လဲၢ်​တၤ​ကဲ က​ယါ​မၱာ်​တဲၤ​သး​ဆဲ, တဲၤ​သဲး​ထဲး​ဒီၣ်​ဒဲ, တဲၤ​သဳာ်​ဓဳၤ​သး​ခီ, တဲၤ​ကဳၤ တဲၤ​တြး, တဲၤ​ဒီၣ်​ကဲ​ဒီၣ်​အိး ကၱာ်​တဲၤ​တ​ဝဲၢ်​တ​ဆဲ​နီး​တ​စီာ်​ကိ​မံၤ​ထံ​တၤ​နဳၤ.

သံ​က​သဲး​ထဲး​ဒဳၣ်, အံာ် ပီၢ်​မဲး​သံ​တဲၤ​သဲး​ထဲး​နှး​သံ​ကါ အ​က​မဲၤ​တဲၤ​ခီၣ်​ဝဲၤ မဲး. သဲး​ထဲး​ပီၢ်​မဲး​ထိ​လူၤ​မူၤ​လၤ​တ့ၢ်​နံၢ်​တၱၢ်​သံ​မဲး. အံာ်​ပီၢ်​မဲး​မဳၤ​ဒဲး​လၱး​အ​ခွဲး​ဒဳ အ​က​လှီး​လှၱ​လှီး ပျဲး​နံၤ​သံ​အ​နံၤ​ခံ​မဲး.

မဲၤ​က​နဳၤ​ဒဳၣ်, သူ​ဖျူး​လၤ​တ့ၢ် ကဲ​ပီၢ်​သံ​တဲၤ​အီၣ်​သ​မိ​အ​လံၤ​အ​ဝှဲ, ထဲၢ်​အ​လှီး အ​ပျဲာ်​နံၤ​သံ ဒဳ​တဲၤ​ကဲ​တဲၤ​အိး​အ​ပူၤ​တ​စီာ်​နဳၤ. သံ​သး​ကၱာ်​သံ​တဲၤ​က​မဳၤ​က​မၢ် က​ဘဲာ်​မဲၤ​သဲ​ထာ် က့ၤ​ပ့​ပ့​ဇီၤ​ဇီၤ, ကၱာ် သံ​ဘဲာ်​ကိ​ထာ်​သီး​ထာ် တဲၤ​န့ၤ​ဘၱ​စဲာ်​အ​သဲ, ထဲၢ်​အ​ဘဲာ်​ဘီာ်​လၤ​အ​ယၢ် သိး​ကၱာ်​က​ဘၱာ်​စဲာ်​အဲ, ကၱာ်​အ​ဒဲ​လၱၢ်​အ​န့ၤ​ဒဳ​တဲၤ အီၣ်​အ​သဲ​ထဲၢ်​အ​တၱၢ်​အ​မှး​ကၱာ်​အ​စါ​အ​ထံ​နဳၤ.

ဖၱး​ကျဳၤ​မှ့း​ပီၢ်​တဲၤ​ယံၢ်​တဲၤ​ဒွါ ဒဳ​က​ဘၱာ်​စဲာ်​အ​သး အံာ်​လၤ​သံ​တဲၤ​စဳး​တဲၤ​ချံး​အ​နံၤ​ခံ ထဲၢ်​အ​ဘိာ်​ကျဳၤ စဳ​ကျဳၤ​ပျဳာ်​သံ​နဳၤ.

စဲာ်, ထဲၢ်​အ​အံာ် “​ပၠၤ​လၢ် ခဳး​ဖဳး​တဲၤ​အံာ်​လၤ” တ​ပွဲၤ​နဳၤ, အံာ်​လၤ​နံၤ​ကဲၤ ပၠၤ​တ​စီာ်​စီာ် အ​က​မဲၤ​အ​ပျဲၢ်​အ​ဘီၣ်, တ​စီာ်​စီာ်​အ​က​မဲၤ​ဝံ​အ​တဲၤ​မဲၤ, တ​စီာ်​စီာ်​မၱာ်​အ​က​ဒီ​ဆး​အံာ်​ပၠၤ တဲၤ​သး​လဳၢ်​သး​လၤ​အ​ဝၱၤ​အ​ကဲ, အ​လ​ဝ့ၤ​တ​စီာ် မၱာ်​တဲၤ​အီၣ်​ပျဳာ်​ဆ​ရၣ် ကၱာ်​ဆ​ရၣ်​သဲာ်​လှိ​တဲၤ​လီၤ. စ​မဲၤ​တဲၤ​အ​ယဳၤ​မၱာ်​စာ်​ဘိ​ထဲၢ်​စ​က​ပြး​နှဲး​တီၤ လီၤ က​ဘၱာ်​စဲာ်​အ​ပၠၤ​လဳ​စါ​စဲး အ​က​မဲၤ​ခ​ရၱာ်​အ​တဲၤ​ခၱ​တဲၤ​ပွဲၤ​အ​တဲၤ​မဲၤ​ကၱာ် က​မဲၤ​လ့ၤ​ထာ်​လ့ၤ​ထိ ခ​ရၱာ်​အ​န့ၤ​ဘၱ​စဲာ်​အ​နံၤ​ခံ​နဳၤ. မဲၤ​က​နဳၤ​ဒဳၣ်, ဝၤ လဳ​စါ​စဲး​က​လဲၢ်​ပျဳာ်​ထာ်​ကီ​ဝၤ​နဲၤ​ဒဳ​တဲၤ​ဘူၣ်​တ​မဳၤ လီၤ​အ​ပူၤ ကၱာ်​တဲၤ​သၱာ်​ဟဲ​လၤ​တံၤ က​ဘၱာ်​စဲာ် အ​ဖဳး​အ​ပူၤ, ဝၤ​က​ဖၱ​ထာ်​ကီ​ပၠၤ​အ​ဓဳၤ​ထာ်​ပွ့ၤ​ထာ်, ကၱာ်​ထိး​ထာ်​ထာ်​ဘး​ကီ​ခ​ရၱာ်​အ​တဲၤ​ပ့​ထာ်​ဇီၤ​ထာ် အ​နှဲး ဒါ​နဳၤ.

အ​နဳၤ​တ​ပျာ်, ဝၤ​တ​မၱာ်​ပ့ၤ​အ​ပံၤ စ​ဖဳး​ထဲၢ်​အ​ဘဲာ်​စွံး​တ​ဝ့ၤ​ဝၢ်​ကၱာ်​မှီး​တ​ဝၱၢ်​တ​ဝ့ၤ အံာ်​ဝၤ​ဒဳ​အ​လှီး​အ​ပျဲး​တဲၤ​တ​စီာ်​အ​က​လံၤ​ကျဲ, ထဲၢ်​အ​သဲ​ပၠၤ​ဒဳ တဲၤ​ကဲ​တဲၤ​အိး​တ​စီာ်​အ​တဲၤ​လှီး တဲၤ​ပျဲာ်​ပ့ၤ​နီး. မၱ​မၱာ်, ဒဳ​တဲၤ​ယၱၢ်​ဘဲာ်​အ​တၱၢ် အ​မှး​ကၱာ်​တဲၤ​ဘဲာ်​လီၢ်​အ​ပူၤ, ဝၤ​က​ဘဲာ်​ဓဳၤ​ထာ် ဒဳ​ကျဲး​ကိ​အ​ဘီ​ဒဳ​အ​မၱာ်​တဲၤ​အ​ခဳး, ခ​ရၱာ်​အ​ပူၤ​နဳၤ.