Popular Bible Verses from အ့ဖ့းစူး 6

Share

မၤ​နဲၢ်​က​ဒီၣ်​ဓဳၤ​ဒဳၣ်, ဝၤ​တ​ဒဳး​တ​ဖၠး​တဲၤ​ကၱာ် ပၠၤ​နီး, မၱာ်​ဝၤ​ဒဳး​သး​အ​ကၱ​ကဲာ် ထဲၢ်​အ​စိ​သ​လဲ​အီၣ် ဒဳ​မီၢ်​ခဳး, အ​အူ​အံာ်​ထံ​က့ၤ​တ​စီာ်, အ​ခဳး​အ​န့ၤ တ​စီာ် ကၱာ်​လၢ်​ခဳး​အ​စိ​သ​လဲ ထဲၢ်​အ​မဲၤ​အီၣ်​ထာ် တဲၤ​ခံး​တဲၤ​နဲၤ​အ​ယဳၤ​တ​စိၤ​တ​စီာ်​လီၤ.

မဲၤ​တဲၤ​အ​ယဳၤ​လဳ​စါ​စဲး​ဒဳ​တဲၤ​တၤ​သ​ဘဲ​အ​ပူၤ, ကၱာ်​တၤ​ပီၢ်​က​ဘၱာ်​စဲာ်​အ​တဲၤ​မဲၤ​ဇဳၤ. သ​ဘဲ​ထာ်​ပီၢ် အ​သဲာ်​ယိ, အ​စာ်​ဘိ​သး​စါ​ထံ​သဲ​သံ​အ​ခီ​နဳၤ. ဒဳ တဲၤ​ယဳၤ​အ​ဝၱၤ​အ​ကဲ​နဳၤ, ဆီး​မီ​တိၤ​အံာ်​ကၱာ်​ထဳး​ဇ့ၤ လၤ​ပီၢ်​မဲး သံ​ခဳး​သံ​အါ​မဲး. တၤ​သ​ဘဲ​ထာ် သဲာ် ယိ​ပီၢ်​က​ဘၱာ်​စဲာ်​အ​ပၠၤ​စါ​ထံ လဳ​စါ​စဲး​အ​နံၤ​ခံ.

ကိ​ထာ်​သီး ထာ်​ပီၢ် က​ဘၱာ်​စဲာ်​အံာ်​လၤ​နံၤ​သံ တဲၤ​ဒဳး​အ​ကြဳၢ် အ​ဘူ​သ​ဒဲ​ကြဳၢ်, စာ်​ဘိ​ထဲၢ် သံ​က​ခး​ဒၱာ်​ဒါ​အံာ်​ဇၤ ပီၢ်​သံ​န့ၤ မဳၤ​ဒဲး​လၱး​အ​တဲၤ​လှီး​လှၱ​လှီး​ပျဲး​တ​စီာ်​နဳၤ.

မဲၤ က​နဳၤ​ဒဳၣ်, ကြဳၢ်​ထာ်​ဘူ​ထာ်​ဘူ​ပီၢ်​သံ​န့ၤ တဲၤ​ကြဳၢ် တဲၤ​ဘူ​ထဲၢ် က​ဘၱာ်​စဲာ်​အံာ်​လၤ​သံ​ခဳ​နူၤ​ယဳၤ, ကၱာ်​ဒီ ဘ့​မူၤ​နံၤ အ​ကၱ​ကဲာ်​မဲၤ​လှီ လ့ၤ​ဓဳၤ​ထၱး​သံ​နဳၤ, သံ​ခး ရှံ​ဒ့​ဒီၣ်​ရီၢ်​ခဲး​က​ဇၤ​ပီၢ်, ကၱာ်​ဘ့​တဲၤ​ဒဳး​တဲၤ​ဖၠး​ဝှါ အ​ခၠၱး​နဳၤ, သံ​က​ဆီ​ထဳး​အီၣ်​ဇၤ​ဝ့ၤ​ပီၢ်​အ​နံၤ​ခံ​နဳၤ.

ဒဳၣ်​လံ​ကၱာ် အ​နဳၤ, စာ်​ဘိ​ထဲၢ်​သံ​က​မဲၤ​လၤ​ပၱၢ်​ကဲာ်​ထာ်​ပီၢ် မှၱး​အ​ပျ့ၤ ထဲၢ်​မဳၤ​ဒဲး​လၱး​ခဲး​အံာ်​သံ​နဳၤ, အီၣ် အံာ်​သဲာ်​ယိ​ပီၢ်​သံ​စူ ခီး​ပူၤ​တဲၤ​ဘူၣ်​တဲၤ​နဲၢ်​အ​က​ဓၢ်, ကၱာ်​ပျိာ်​ထာ်​ပီၢ်​တဲၤ​ယဳၤ​က့ၤ​စာ်​က့ၤ အ​ခဳး​ပျဳာ်​ထး​လး, ကၱာ်​ပိာ်​ကျဳၤ​အံာ်​မှ့း က​ဘၱာ်​စဲာ် အ​လ့ၢ်​အ​ဝှဲး​အ​ဒာ်​ဆ့ ထဲၢ်​သး​စါ​ထံ​အံာ်​လၤ​နဲၤ​နဳၤ.

ဆီ​ထဳး​အီၣ်​နှဲး, ကၱာ်​ကီး​ဝဲၢ်​ကျဳၤ မှ့း​တ့း ကျ့း​ပီၢ်​တဲၤ​တၱၢ်​တဲၤ​မှး​အ​နှၱ​ယၢ်​ပံၤ​သံ​ယၤ​ဓ့ၢ်​လီၤ, ကၢ်​ထာ်​တဲၤ​သဳး​တ​နၢ်​သး​တ​နၢ်​အ​သး​မီၢ်​တ​ဒါ, ကီး​ထာ်​ပီၢ်​တဲၤ​သး​လဳၢ်​သး​လၤ​အံာ် အ​ဘဲာ် ကၠး​တဲၤ​စဳး​တဲၤ​ချံး​အ​ခၣ်​တ​ကီး.

တဲၤ​ယၱၢ်​ဘဲာ်​အ​လ့ၤ​ကါ​က​ဓူ​မၱာ်, အီၣ်​ပ့ ထာ်​ကၱာ်​ပီၢ်​တဲၤ​ခဳး​တဲၤ​အါ ဒဳ​ဘၱာ်​စဲာ်​အ​ပူၤ, ကၱာ်​စ​တဲၤ​စိ​သ​လဲ​အ​ခဳး​အ​အါ​အ​ပူၤ​နဳၤ.

“​ဒဳ​ဘဲာ်​ယး ဘဲာ်​ပီၢ်​န​မဳၤ​ကၱာ်​န​ပာ်” မၱာ်​တဲၤ​မှၤ​လၤ​အ​ခၣ်​ထၱး က​ဓူ အ​အီၣ်​ဒဳ​စဲာ်​စါ​ထံ​အ​ပူၤ​ထဲၢ်​အ​အီၣ်​ကၱာ်​တဲၤ အဳ​လါ, “​သံ​က​မဲၤ​သၱာ်​အၣ်​ဇၤ, ကၱာ် သံ​က​အီၣ်​ခိး​အီၣ်​နၤ​ကီ​ဒဳ​ထံ​က့ၤ, ထဲၢ်​က​ဘၱာ်​စဲာ်​အံာ် လၤ​နံၤ​သံ​တ​ဘဲာ်​အ​ပူၤ​နဳၤ.”

အ​ဖဳး​တ​စီာ်, ဆီး​ခ့​န့း​ပီၢ်​မဳၤ​ပာ်​အ​လ့ၢ်​ဒဳ ဘၱာ်​စဲာ်​အ​ပူၤ​နဳၤ, မၤ​နဲၢ်​ဒဳၣ် တဲၤ​အ​ယဳၤ​မၱာ်​တဲၤ အ​ဝၱၤ​အ​အဲး ဒဳ​သံ​က​မဲၤ​ဘဲာ်​နဳၤ.