Popular Bible Verses from اوّلین نامِه قُرنتیانی سِه 2

Share

هَمونجور گه اِشعیای پیغمبری کیتابی دِلِه، بَنوِشت بَوِه: «اونچی رِه گه هیچ چِشی نَئیِه، هیچ گوشی نِشنُسِه، و هیچکسی فِکر نَرسیِه رِه، خِدا شی دوسدارنی سِه فَراهم هاکِردِه.»

آدمی گه هوا و هوسی دِمال دَوو هون چیایی گه خِدایی روحِ ربط دارنِه رِه قَبول نَکِنِّه، چون وی نظر نادونیِه، و نَتِنِّه اونِه بِفَهمِه، چون فقط خِدایی روحی هَمرا بِشِنِه اونی دِرِسی رِه تشخیص هادائن.

خِدا هَین چیارِه شی روحی طریقی جا اَمِسِه آشکار هاکِردِه. چون خِدایی روح هَمه چیرِه، دَکلاش وَکلاش کِنِّه حتّی خِدایی جَلترین رازیشونَم.

اِسا اَما نا هَین دِنیایی روح، بَلگی یَتِه روحِ بِدس بیاردمی گه خِدایی جائِه، تا اونچی خِدا اَمارِه هدیه هادارِه، دِنّیم.

و می گَبا و می پِیغِم حکیمونِه کلماتی هَمرا گه قانع کِنِّه، نَوِه، بَلگی اونانِه خِدایی روح و خِدایی قِوَّتی هَمرا بُتِمِه. تا شِمِه ایمون نا آدَمنی حکمتی هَمرا، بَلگی خِدایی قِوَّتی هَمرا ووئِه.