Popular Bible Verses from اوّلین نامِه قُرنتیانی سِه 1

Share

ولی خِدا اونچی گه دِنیا نادونی دِنِّه رِه، اِنتخاب هاکِردِه تا حکیمِنِ شَرمنده هاکِنِه؛ و خِدا اونچی گه دِنیا ضعیف اِشمارنِه رِه، اِنتخاب هاکِردِه تا قِدّارِنِ شرمنده هاکِنِه؛

چون صلیبی پِیغِم اونانیسِه گه هلاک وونِنِه نادونیِه، ولی اَمِسِه گه نِجات گیرمی خِدایی قِوَّتِ.

چون اونچی گه خِدایی خَوَری نادونی ویمّی، آدَمی ای حکمتی جا حکیمترِ، و اونچی گه خِدایی خَوَری ضعف ویمّی آدَمی ای قِوّتی جا قویتَرِ.

خِدا وفادارِ،‌ هون خِدایی گه شِمارِ شی ریکا، اَمِه خِداوند عیسی مسیحی رفاقتی سِه بَخونِسِه.

اِی بِرارِن، اَمِه خِداوند عیسی مَسیحی اِسمی هَمرا شِمِه جا خواهِش کِمِّه گه همدیری هَمرا یَکدل ووئین و شِمِه میِن جِدایی دَنیوو، بَلگی هَم فِکری دِلِه و هَم نظری دِلِه یَتّا ووئین.

حکیمِ آدم کِجِه دَرِه؟ توراتی مَلِّم کِجِه دَرِه؟ اونانیگه هَین زَمونِه ای دِلِه نظر دِنِنِه کِجِه دَرِنِه؟ مَگِه خِدا دِنیایی حکمتِ نادونی نَکِردِه؟