Popular Bible Verses from اوّلین نامِه قُرنتیانی سِه 3

Share

مَگِه نَئونِنی گه خِدایی مَعبدنی و خِدایی روح شِمِه دِلِه دَرِه؟

چون هیچکی نَتِنِّه بجز هون پِئی گه بَکِّنی بَوِه یَت دییَر پِی بَکِّنِه، هون پِی شِه همون عیسی مَسیحِ.

پَس نا اونیگه کارنِه حِساب اِنِه و نا اونیگه اُو دِنِه، بَلگی فقط خِدائِه گه اونِه سبز کِنِّه.

چون اَما فقط خِدایی همکارِنِمی. شِما خِدایی کِشت و کاری زمی و خِدایی ساختِمونِنی.

هر کسی کار معلوم وونِه، چون هون ’روز‘ هَمه چیرِه بَرمَلا کِنِّه. چون تَش کاری نتیجه رِه معلوم هاکِردِه، و تَش هر کاری گه آدمِن هاکِردِنِه رِه آزمود کِنِّه.

اونیگه کارنِه و اونیگه اُو دِنِه، هر دِتا یَتِّه هَسِّنِه و هر کِدیم شی زحمت بَکشی ای اَنّا، پاداش گیرِنِه.

شِرِه گول نَزِنین. اگه شِمِه جا کَسی فکر هاکِنِه هَین زَمونه ای دِلِه حکیمِ آدمِ، هینِسِه گه حکیم بَوو، وِنِه نادون بَوو.