Popular Bible Verses from نامَه وَ کِلیسِی فیلیپی‌ 1

Share

وِ مِ خاطِرجَمُم، وِّ که کارِ خوبی مِنِه ایشا شروع کِه، وِه نَه تا روزِ وَرگَشتِ مسیح عیسی کامِل ایکِنِه.

وِ دعام یِنِه که محبتِ ایشا بیشتر وُ بیشتر وابو وِ بِی شناخت و فهم کامل بو، تا اوچیئی نَه که وَ همَه بِختَرِه قبول کِنیت، وِ سی روزِ مسیح، پاک و بی‌عیب بِیت

سی‌یِکِه سی مِ زِندِیی مسیح یَه، وِ مُردَن، سود.

هر وَخت ایشا نَه وَ حوشِم ایارُم، خِدِی خِمَه شکر ایکِنُم

تِنا بِلیت رَه زِندِیی‌تون شایستۀ انجیلِ مسیح بو، طوری که چه بیام وِ ایشا نَه بِوینُم وِ چه مِنِه نَبییَنُم، وَتون بِشنِفُم که مِنِه یِه روح پاوَرجایِیت، بِی یِه فکر، شونَه وَ شونَه سی ایمونِ انجیل تلاش ایکِنیت،

طوری که بِی شوق بَندیرِشُم وِ اِمید دارُم که مِنِه هیچی سرافکَندَه نیابوم، بَلکَم بِی جرأتِ تموم، ایسِه هَم مِی هَمیشَه، مسیح مِنِه بَیَنُم جلال ایجورِه، چه بِی زِندِیی چه بِی مرگ.

سی‌یِکِه ای افتخار نصیبِ ایشا وابی‌یِه که نَه تِنا وَ مسیح ایمون بیاریت، بَلکَم سیش عذاب هَم بِکَشیت.