Popular Bible Verses from نامَه وَ کِلیسِی اَفِسُس 6

Share

سی‌یِکِه ایما بِی جسم و خین گوشتَری نیگِریم، بَلکَم ایما وَ ضِدِ ریاسَتَل، وَ ضِدِ قُدرَتَل، وَ ضِدِ او قُویَتَلِ تاریکی که وَ ری ای دنیا حاکِمِن، وَ ضِدِ قشونِ روحانیِ شریر که مِنِه جایَلِ آسمونی یَن گوشتَری ایگِریم.

مِنِه هَمَه وَخت، بِی هَمَه طور دعا وِ تَمنا، مِنِه روحِ خدا دعا کِنیت. سی هَمیِه دیار وِ هوشیار بِیت وِ هَمیشَه پاوَرجا سی تَمومِ ایموندارَل دعا کِنیت،

اسلحۀ خدا نَه تمام وُ کمال کِنیت وَرِتون تا بِتَریت دَر برابرِ حیله‌یَلِ اِبلیس وِیسیت.

پَ اسلحۀ خدا نَه تمام وُ کمال کِنیت وَرِتون، تا مِنِه روزِ شَر جونِ وِیسایَن داشتَه بِیت، وِ بِتَریت دِندِی اَنجومِ هَمَه چی، پاوَرجا وِیسیت.

مِنِه هر وَضعی سپرِ ایمونَه هَم وَگِریت، تا باش بِتَریت، تَمومِ تیرَلِ گُر گِرُتۀ شریرَ کور کِنیت. وِ کِلَه‌خودِ نجاتَه بِنیت وَ سَر وِ شُمشیرِ روحَه که هَمو کلامِ خدایَه، بِگِریت وَ دَس.

پَ وِیسیت، درحالی که دویالِ حقیقتَه بَسیتِه وِ زرۀ صالحی نَه کِردیتِه وَرتون، وِ اورسی آمادِه‌ای سی اعلامِ انجیلِ سلامتی نَه کِردیتِه وَ پا.

آخِرِ سَر، مِنِه خداوند، وِ مِنِه قویَتی که وَ قدرتِ وِّ ایایِه، زوردار بِیت.

«دِی‌بُو خِتَه حُرمت کُ»، که یِه اَوَلین حکمِ بِی وَعدَه یَه: «تا عاقبت وَ خیر وابِی وِ ری زمین عمرِ زیاد کِنی.»

ای اولادَل، وَ دِی‌بُو خِتون مِنِه خداوند اطاعت کِنیت، سی‌یِکِه کارِ دِرُس هَمیِنِه.