Popular Bible Verses from کولوسلولارا 3

Share

بئربئرئزی تحمّول اله‌یئن و بئربئرئزی عفو اله‌یئن. هر بئرئزئن، بئرئسئندن شئکایتی وارسا، باغیشلایین. رب سئزی باغیشلادیغی کئمی، سئز ده گرک اِله الئیه‌سئز.

فئکرئزی دونیه‌وی شیلرئن اوستونه یوخ، گؤیده‌کی شیلرئن اوستونه قویون.

نه اله‌یئرسئز، جان‎ ائنان اله‌یئن؛ آداملارا یوخ، ربّه.

بوندان اؤتری، تارینین سچئلمئش، موقدّس و عزئزلری کئمی شفقتلی، مهرئبان، باشی‌آشاغی، حلئم و صبئرلی بئر اوره‌یی گیئنئن.

قویون مسئحئن کلامی بوتون دؤولتلئیی‌ ائنن سئزده ساکئن اولسون. بئربئرئزه بوتون حئکمت ‎ائنن تعلئم و نصئحت ورئب، مزمورلار و ماهنی‎لار و روحانی نغمه‌لر و اورَکلرئزده شوکورلر ائنن تارییا اوخویون. سؤزده و عملده نه اله‌یئرسئز، هامیسینی رب عئسانین آدیندا اله‌یئن و اونون واسئطه‌‌سی‌ ائنن آتا تارییا شوکور اله‌یئن.

و بولارین هامیسیندان علاوه، محبّتی گیئنئن کی، کامئل بئرلئیئن باغی‌دیر.

بله ده اگر مسئح‎ ائنن دئرئلئبسئز، یوخاریداکی شیلری آختارین، اورداکی مسئح تارینین صاغیندا اوتورور.

قویون مسئحئن صولح و سالاماتلیغی اورَکلرئزده حاکئم اولسون کی، اونون اوچون ده بئر بدنده چاغیریلدیز. و شاکئر اولون.

بونا گؤره، یردن اولان بدنئزئن عوضولرئنی عئفّتسئزلئیه، ناپاکلیغا، هاوا-هوسه، پئس آرزولارا، و طاماحا کی، بوتپرستلئکدئر، اؤلی گومان اله‌یئن.

چونکی سئز اؤلوبسوز و سئزئن حیاتیز مسئح‎ ائنن تاریدا گئزلی‌دئر.

آمّا ائندی سئز ده اولارین هامیسینی بئر یانا قویون؛ قضبی، قیضی، کئنی، ائفتئرانی، آغزیزدان چیخان ائنجئدن سؤزلری.

بئربئرئزه یالان دمه‌یئن، چونکی سئز کؤهنه منئیّتی و اونون بوتون عمللرئنی سویونوب اؤزوزدن آتیبسیز و تزه منئیّتی گیئنئبسئز کی، معرئفتده تزه‌له‌نئر اله کی اونی یارادانین شکئلئنه دؤنسون،

ای کئشئلر، آروادلاریزا محبّت اله‌یئن و اولار ائنان آجی رفتار اله مه‌یئن.

ای اؤولادلار، هر شیده والئدینلرئزدن ائطاعت اِله یئن، چونکی بو، ربّی خوشنود اله‌یئر.

ای آروادلار، ربّه لایئق اولدوغی کئمی ارلرئزدن ائطاعت اله‌یئن.