Popular Bible Verses from COLOSSIANUN 3

Share

Kuhnuhga cheähzhittah‐mujje‐doodahdesewag, ahbwayanindeyag, kishpin ahweyah ningood wuhsittuhwanemaud pakahnezenejin; nahsaub owh Christ kahezheäh-bwayanemenag me suh nahsaub kuhya kenuhwah kaëzhechegayag.

Sahgetooyook ishpeming duhzhe uhyeëen, kahween dush ween uhkeeng duhzhe uhyeëen.

Wagoodoogwan dush azhechegawagwan anegookoodaäyag ezhechegayook, debishkoo egewh anookeetahwahjig enewh Tabaninganejin, kahween dush ween enewh enenewun

Pesekuhmook suh dush, azhekuhgeginenag Kesha‐Muhnedoo, quuhyuk azhewabezeyag kuhya suhyahgeëgooyag, shahwanjegawinun, keshawahdezewin, ahgahsanemoowin, bakahdezewin, minwahdanduhmoowin

Mahnoo tahkeche‐meshenud oodekedoowin Kesha‐Muhnedoo peenjenuh keyowewaung emuh kuhkenuh nebwahkahwining; chekekenooähmahdeyag kuhya cheäungwahmindeyag mamashquaud, emuh ahnuhmeähwine nuhguhmoowining, emuh kedaëwaung ahnuhmeähwining cheezhenuhguhmootahwag owh Tabaningad. Kuhya wagoodoogwan kaënuhnookeewagwan emuh ekedoowining gamuh emuh ezhechegawining, kuhkenuh ezhedooduhmook emuh oodezhenekahzoowining Tabaningad Jesus, mahmooyahwahmag Kesha‐Muhnedoo Wayoosemind ween oonje.

Oogechuhyeëeng kuhkenuh oonoo pesekuhmook ewh sahgeëdewin, me suh wanje‐minjemoosing quuhyuk‐ezhewabezewin.

Kishpin dush kenuhwah keweej‐ahbechebahmag Christ, nunduhwanduhmook enewh uhyeëen ishpeming ayaugin, anduhzhe‐wuhwanuhbid Christ emuh ookecheneenjeeng Kesha‐Muhnedoo.

Mahnoo dush oopezaunewawin Kesha‐Muhnedoo tahoogemahkundahgamahgud emuh kedaëwaung, me muh wanje‐nundoomegooyag emuh pazhik weyowemaung; mahmooyahwahganduhmook dush.

Netooyook dush enewh kepukkawezewinewaun oomah uhkeeng ayaugin; pezhigwahdezewin, weenezewin, oonzaumanduhmoowin, pezhigwahdezewine nunduhwanduhmoowin, kuhya shoobezewin, mesuh anandahgwuk debishkoo muzzenene ahnuhmeätuhwind

Kegeneboom mahween, kahjegahda dush kebemahdezewinewah emuh Christ anduhzhe ahyaud, emuh Kesha‐Muhnedoong.

Noongoom dush wabenuhmook kuhkenuh oonoo; nishkahdezewin, sheenganindewin, mujje‐kezhwawin, kuhya wahnuk guhnoonindewin wanjebahmahguk emuh kedoonewaung.

Kagoo kuhkenuhwishkahjemootahdekagoon, kekanduhmag ahzhuh kekesekuhwag owh kata enene kuhya enewh oodezhechegawinun; Kuhya dush kepesekahwag owh ooshke enene, owh uhyaunjeïnd emuh kekandahsoowining debishkoo azhenahgoozenid enewh kahoozheëgoojin

Oonahbamemahdoog, sahgeïk keweedegamahgunewaug, kagoo kuhya wuhsittahwanemahkagoon.

Wanejahnesemegooyag, nuhittahwik kenegeëgoowaug ewh kuhkenuh menik anenagwah: minwahbuhmenahgwud muh oo‐oo ezhewebezewin emuh anahsuhmuhbid Kesha‐Muhnedoo.

Wewemahdoog, puggedenedezooyook chenuhittuhwagwah tebenuhwa kenahbamewaug, debishkoo azhenunduhwandahgoozeyag emuh Tabaningang.