Popular Bible Verses from كُولُوسِّي 3

Share

أصبُرو بَعضَكُم بَعض، و أغفِرو بَعضَكُم بَعض إذا كان واحِد عِندو شَكوى عَلى تاني. أغفِرو زي ما الرَّب غَفَر ليكُم.

خُتّو بالكُم في الحاجات الفي فوق، و مُش عَلى الحاجات بِتاعَت الأرض.

و كُل البِتَعمِلو، أعمِلوهو مِن القَلِب زي لِلرَّب، مُش لِلنّاس.

عَلَشان كِدا، زي النّاس الإختارُم الله، القِدِّسين، المَحبوبين، لَبِّسو القَلِب الرَّحيم و اللُطف و التَّواضُع و الوَداعَه و الصَّبر الطَّويل.

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم. و كُل البِتَعمِلو، إذا بِكِلمَه ولّا عَمَل، أعمِلو الكُل بِإسم الرَّب يَسُوع، شاكِرين الله الأبو بيهو.

و فوق دا كُلّو، لَبِّسو المَحَبَّه، الهي رُباط الكَمال.

عَلَشان كِدا، إذا إنتو قُمتو مَعَ المَسيح، أطلُبو الحاجات الفي فوق، المَكان الفيهو المَسيح قاعِد عَن يَمين الله.

و خَلّو سَلام المَسيح يَملِك في قُلوبكُم، عَلَشان هو ناداكُم لِدا في جِسِم واحِد. و كونو شاكِرين.

عَلَشان كِدا، أكتُلو كُلّو حاجَه فيكُم البِتكون مِن الأرض: الزِّنا، و النَّجاسَه، و الشَّهوَه الشَّديدَه، و الشَّهوات البَطّالَه، و الطَّمَع، يَعني عِبادَة الأصنام.

عَشان إنتو مُتّو، و حَياتكُم مَدسوسَه مَعَ المَسيح في الله.

لَكِن هَسَّع، أرمو مِنَّكُم كَمان كُلّو ديل: الزَّعل، و الغَضَب، و قَلب مُر، و التَّجديف، و الكَلام الوَسخان مِن خُشومكُم.

و ما تَكَضِّبو بَعضَكُم عَلى بَعض، عَلَشانكُم قَلَعتو الإنسان القَديم مَعَ أعمالو. و لِبِستو الإنسان الجَّديد، المِتجَدِّد في المَعرِفَه عَلى صورَة الله الخَلَقو.

يا رُجال، حِبّو نِسوانكُم، و ما تَكونو شُداد مَعاهُم.

يا أولاد، طيعو والِديكُم في كُلّو حاجَه، عَشان دا يَبسِط الرَّب.

يا نِسوان، طيعو رُجالكُم، زي ما يِستَحِق في الرَّب.