Popular Bible Verses from كُولُوسِّي 2

Share

عَلَشان كِدا، زي ما قِبِلتو المَسيح يَسُوع الرَّب، عيشو فيهو، و خَلّو عُروقكُم يَكونو فيهو، و أبنو نُفوسكُم فيهو. و كونو ثابِتين في الإيمان، زي ما عَلَّموكُم، و زيدو في الشُّكر.

خَلّو بالكُم عَلَشان أي واحِد ما يَغِشّكُم بِتَعليم حِكمَة الإنسان و الغِش الفاضي حَسَب تَرتيب النّاس، حَسَب التَّعليم الأساسي بِتاع الدُّنيا، و مُش حَسَب المَسيح.

لَمّا كُنتو مَيِّتين في الخَطايا و جِسِمكُم ما كان مُطَهَّر، الله عَمَلكُم حَيين مَعاهو. هو غَفَر لينا كُلّو خَطايانا. و هو بَطَّل الدّين المَكتوب عَلينا في القَوانين الضِّدَّنا. و هو رَفَعو مِن الوَسِط و سَمَّرو عَلى الصَّليب.

عَشان في المَسيح كُلّو كَمال الله يَعيش في شَكل الجِّسِم. و إنتو بِقيتو مَليانين فيهو. و هو راس كُلّو رياسَه و سُلطَه.

عَلَشان كِدا، ما تَخَلّو أي واحِد يَحكُم عَليكُم في الأكِل ولّا الشُّرُب، ولّا عَن عيد ولّا شَهَر جَديد ولّا سَبِت. ديل ضُل الحاجات الجّايَه، لَكِن الحَق، هو المَسيح.