Popular Bible Verses from Kol 3

Share

libekezelelane, lithethelelane, uba umuntu elensolo komunye. Njengoba iNkosi yalithethelela, yenzani njalo lina.

Nakanani ngokwaphezulu, linganakani ngokwasemhlabeni.

Konke elikwenzayo kwenzeni ngenhliziyo kungathi likwenzela iNkosi, atshi abantu

Ngakhoke, njengabakhethiweyo bakaNkulunkulu abangcwele labathandekayo, yambathani ububele lesihawu, lokuzithoba, lobumnene, lokubekezela

Ilizwi likaKristu kalihlale phakathi kwenu ngokupheleleyo. Fundisanani lilayane ngokuhlakanipha konke. Hlabelelani amahubo lezihlabelo lengoma zokomoya, libonge uNkulunkulu enhliziyweni zenu. Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.

Phezu kwakho konke lokhu yambathani uthando oluyisibopho sokuzwana okupheleleyo.

Ngakhoke uba livusiwe kanye loKristu, funani okwaphezulu, lapho akhona uKristu ehlezi ngakwesokunene sikaNkulunkulu.

Kakubuse enhliziyweni zenu ukuthula kukaKristu, elabizelwa kukho emzimbeni munye; futhi wobani ngababongayo.

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

Ngoba lafa, ukuphila kwenu kufihliwe loKristu kuNkulunkulu.

Kodwa khathesi lahlani konke lokhu, ulaka, ukuthukuthela, inzondo, ukuhlambaza, lokukhuluma okubi ngomlomo wenu.

Lingaqambelani amanga, lokhu selimlahlile umuntu omdala lezenzo zakhe, selambethe omutsha owenziwa kutsha ekwazini ukuze afuze lowo owamenzayo.

Madoda, thandani omkenu, lingabi lolunya kibo.

Bantwana, lalelani abazali benu ezintweni zonke, ngoba lokhu kuyayithokozisa iNkosi.

Bafazi, zehliseleni ngaphansi kwamadoda enu njengokufanele iNkosi.