Popular Bible Verses from Коринфиязухъе тӀоцебесеб кагъат 12

Share

Щивав инсанасулъе РухӀ хасаб къагӀидаялъ рещтӀуна киназего пайдаялъе.

Нуж киналго МасихӀил черх ккола. Нужер щивав чи гьеб чорхол лагаги бутӀаги ккола.

Цо лага унтани, киналгоги унтула. Цо лага беццани, киналгоги рохула.

Цоясе РухӀалъ кьола гӀакъилаб калам, цогидасе гьебго РухӀалъ кьола гӀелму-лъай малъизе махщел. Гьебго РухӀалъ цогидасулъе иман тӀинкӀула, цогидасе гьебго РухӀалъ кьола унтарал сахлъизаризе гьунар; цоясе кьола мугӀжизат бихьизабизе къудрат, цогидасе – иман лъуразул агьлуялда Аллагьасул амру лъазабизе махщел; цоясе – РухӀалдасан бугебги гьелдасан гьечӀебги батӀа гьабизе гьунар, цогидасе – батӀи-батӀиял мацӀазда кӀалъазе лъай, яги батӀи-батӀиял мацӀазда бицунеб жо цогидазда бичӀчӀизабе бажари.

Гьеб кинабго гьабула цохӀо РухӀалъ, гьедин жиндиего бокьухъе щивав чиясе кьола гьелъ махщел-гьунар.

– чорхолъ дагӀба-рагӀи ккечӀого букӀине ва киналго лугбуз бащадго цоцазул тӀалаб-агъазги гьабизе.

Махщел-гьунар батӀи-батӀияб букӀуна. Амма гьеб кинабго цохӀо Илагьияб РухӀалъ кьола. Хъулухъ гьабиялъулги руго батӀи-батӀиял къагӀидаби. Амма гьел киналго цохӀо ТӀадегӀанасе руго. ХӀалтӀи-ишги батӀи-батӀияб буго. Гьеб кинабго гьабизе киналго тӀамулев Аллагь цохӀо вуго.

Иман лъуразул агьлуялъе Аллагьас тӀоцере чапарзаби тӀамуна, кӀиабизе – халкъалда Аллагьасул амру лъазабулел чагӀи, лъабабизе – мугӀалимзаби, цинги мугӀжизат бихьизабулел чагӀи, цинги гӀадамал сахлъизарулел чагӀи, кумекчагӀи, бетӀерлъи гьабулел чагӀи, батӀи-батӀиял мацӀазда кӀалъалел чагӀи ритӀана.

Цо лагаялдасан гуро черх лъугьун бугеб, гӀемераздасанин.

Амма бищунго загӀипалилан кколел лугби чорхое лъугьун ратула бищунго къваригӀунеллъун.

ТӀолабго черх цохӀо бералдасан гӀуцӀараб букӀарабани, гьелда кин рагӀилеб букӀараб? ТӀолабго черх гӀиналдасан гӀуцӀараб букӀарабани, махӀ кин гьелда лъалеб букӀараб? Амма Аллагьас киналго лугби ургъунго цо чорхолъ рекъезарун руго ва щибаб лагаялъе бакӀги бихьизабун буго. Кинабго цо лага бугони, черх букӀинищха.