Popular Bible Verses from Коринфиязухъе тӀоцебесеб кагъат 13

Share

Рокьулъ сабру буго, гурхӀел-рахӀму буго, рокьулъ берчӀегӀерлъи гьечӀо, рокьи беццаруларо, рокьи чӀухӀдаруларо, рокьулъ тӀасанккей гьечӀо, жиндиего пайдаялда хадубги лъугьунаро, рокьи ццидахунаро, гӀайиб-гъвел гьелда кӀочон тола

Рокьи кидаго тӀасалъугьуна, кидаго божула, кидаго хьул-къасдалда букӀуна ва гьелъ щибго хӀехьола.

квешабщиналдаса бохуларо гьеб, хӀакъабщиналдаса бохула.

Гьанже нилъеда цадахъ хутӀун буго божиги, хьулги, рокьиги. Гьеб лъабалъулго бищунго тӀадегӀанаб ккола рокьи.

Рокьи киданиги лъугӀуларо. Аллагьасул амруял халкъалда лъазарулел руго – гьеб лъугӀила. БатӀи-батӀиял мацӀазда кӀалъалел руго – гьебги тӀагӀина. ГӀадамазулъ гӀелму-лъай буго – гьебги лъугӀила.

Киналго халкъазул, малаикзабазулгицин мацӀалда кӀалъазе лъалеб бугониги, дилъ рокьи гьечӀони – дун ккола бухулеб къалиги пулеб зурмаги.

Аллагьасул киналго амруял дица халкъалда лъазарулел ругониги, кинабго балъгояб гӀелму-лъай дилъ бугониги, мугӀрул рилълъанхъизаризе кӀолеб божи-иман бугониги, – дилъ рокьи гьечӀони, дунги гьечӀо.

Дица дир бугебщинаб боцӀи-рикъзи мискинзабазе бикьаниги, дирго черх бухӀизе кьуниги – дилъ рокьи гьечӀони, щибго пайда гьечӀо дие.

Лъимер вугеб мехалда дун лъимер гӀадин гаргадулаан, лъимаца гӀадин пикру гьабулаан, лъимадул гӀадинаб гӀакълуги букӀана дир. КӀудияв гӀураб мехалъ, кинабго доб лъимадулаб дилъа лъугӀана.