Popular Bible Verses from Коринфиязухъе тӀоцебесеб кагъат 11

Share

Кванан рахъараб мехалъ, додинго щурунги кодобе босун, гьес абуна: «Гьаб буго дир би – ЦӀияб КъотӀи щулалъиялъе тӀолеб би. Гьеб щурминисан чагъир гьекъолеб мехалъ, дун ракӀалде щва нужеда». Гьединлъидал гьеб чед кваналебщинахъе ва гьеб щурминисан чагъир гьекъолебщинахъе нужеца, Дов вачӀинегӀан, гӀадамазда лъазабулеб буго ТӀадегӀанасул хвалил хӀакъалъулъ.

ТӀадегӀанасдасан лъана дида гьаб кинабго нужеда малъулеб бугебщинаб. Досие хиянат гьабураб сордоялъ ТӀадегӀанав ГӀисаца, цо чедги кодобе босун, тӀаде дугӀаги гьабун, гьебги бек-бекун абуна: «Гьаб буго нужее гӀоло къурбанлъулеб дир черх. Дунги ракӀалде щун, нужецаги гьабе гьадин».

Цин инсан жиндирго рекӀелъе ваккизе ккола, мустахӀикъав вугищали лъазе. Цинги кваназе бегьула гьеб чед ва гьеб щурминисан чагъир гьекъезеги бегьула. ТӀадегӀанасул черх бичӀчӀичӀого кваналев ва гьекъолев чияс жиндаго тӀаде тамихӀ цӀалеб буго.

Гьедин, бегьулареб къагӀидаялъ ТӀадегӀанасул чед кваналев ва гьесул щурминисан чагъир гьекъолев чияс мунагь гьабулеб буго – ТӀадегӀанасул черхги биги инжит гьабулеб буго.

Дица МасихӀидасан мисал босулеб бугеб гӀадин, дидасан нужецаги мисал босе.