Popular Bible Verses from Colosenses 3

Share

Korotörö cuami 'qui'ächi'önö ppä'ädätucui. Korotömä suronä jȩtto̧mȩnä̧ ucuturu, unichi'ätucui cu̧ra̧huä̧rä̧tu̧cuo̧ca̧'a̧. Cristo ucuturu suronä jȩcu̧'ä̧tu̧cu̧ unichi'inö ta'anö, unichi'ätucui korotörö.

'Cuäopönä tö̧ä̧nä̧hua̧'a̧ jähuä, mo̧ro̧jä̧ jähuä, amöcuädätucui. Pi̧jä̧ jähuä cuamöcuädätucuä'.

O'ca juiyönä jȩcu̧'ä̧tu̧cumä̧, eseunu jȩpä̧tu̧cui̧, Tu̧ru̧hua̧ Cristorö amöcuädö, pi̧jä̧ ttö̧ja̧rö̧ cuamöcuädätucuoca'a.

Dios ucuturu repe'ö huoinä̧u̧jä̧ i̧tti̧mö̧ cu'ätucua pä'ö. Ja̧'hua̧nö̧ ja̧'a̧ttö̧ korotörö re rö̧jö̧nä̧ topätucui. Adiu ucuotätucui o'ca toi'önärö. “Ka̧ra̧ttö̧'i̧nä̧ abonänö adihuä i̧sa̧sä̧” cuamöcuädätucuä'. Repe'önö jȩpö̧ ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧.

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧. O'ca juiyönä jȩcu̧'ä̧tu̧cu̧'i̧nä̧, cucuocuätucu'inä Tu̧ru̧hua̧ Jesucristo i̧mi̧nä̧ jȩpä̧tu̧cui̧. 'Cuäopönä ja̧u̧tä̧ i̧mi̧nä̧ esehuätucui Tä'o Diosrö.

Ja̧'hua̧ta̧nö̧ koro juäittö'inä abonänö repe'ätucui korotörö, ji̧nä̧ yo̧mȩtȩ amöcuädö cu̧ja̧cuä̧tu̧cuä̧cua̧'a̧nö̧.

Iso päi'önä ucutumä Cristocu tto'ächinätöjä. Ja̧'hua̧nö̧ ja̧'a̧ttö̧ tö̧ä̧nä̧hua̧'a̧ jähuä, mo̧ro̧jä̧ jähuä, usätucui. Juhua'attö, mo̧ro̧jä̧ttö̧, Cristomä Dios u̧huo̧jua̧'a̧nä̧ pö̧.

Dios iyinö cuami iso'quitucunä eseäcuähuä. Ja̧u̧ eseäcuähuä hueäcua'a̧nö̧ cuami iso'quitucunä, ji̧nä̧ ji̧yȩtȩ huotö päcuhui'ätucua pä'ö Diosrö esetö, chutä hueinö ta'anö. Ja̧'hua̧nö̧ ja̧'a̧ttö̧ esehuätucui ja̧u̧ru̧.

Pä'äji jähuä, pi̧jä̧ jähuä, jȩcu̧'i̧nä̧tu̧cu̧mä̧, jitämä amöcuädö jȩcu̧'ä̧tu̧cuä̧'. Ka̧ra̧ irecuarö suronä jȩcu̧'ä̧tu̧cuä̧'. Suronämä amöcuädö jȩcu̧'ä̧tu̧cuä̧'. Ucutuätä pä̧huä̧ rö̧jö̧tä̧ jȩcu̧'ä̧tu̧cuä̧'. Korotöttö'inä abonänö cu̧ju̧nä̧ra̧ pä'ö cuamöcuädätucuä'. Ttu̧mö̧nä̧ adicuä juäi pä̧huä̧ rö̧jö̧nä̧ tocu'ätucuä'.

Ucutumä pi̧jä̧ jähuättömä Cristocu 'corupä'i'inätöjä. Ja̧'hua̧ta̧nö̧ Diosrö cuesetätucua'attö, Cristocu cua̧'cua̧rä̧tu̧cu̧ dajö icuinö.

Ja̧'hua̧nö̧ ja̧'a̧nä̧ jitämä pi̧yȩ o'ca juiyönä jaropi'ätucui, ra̧huä̧rä̧cuä̧huä̧'i̧nä̧, suronä amöcuädäcuähuä'inä, surojö jȩä̧cuä̧huä̧'i̧nä̧ jaropi'ätucui. Cuänä suronä suräjuä huȩnȩ yoröiso cucuocuätucuä'.

Yapareu cucuocuätucuä' korotö korotönö. Ucutumä täcö jaropi'inätöjä pä'äji jȩcu̧'i̧nä̧tu̧cu̧, Cristorö cuesetätucu juiyäi jȩcu̧'i̧nä̧tu̧cu̧mä̧. Jitämä ucutu jareönä amöcuädätöjä. Ja̧'hua̧nö̧ amöcuädö, Dios, ucuturu aditinömä juhua'a yabo rö̧ȩnä̧ u̧huo̧juȩtä̧cuo̧tö̧jä̧ chutä jö̧ ta'anö cu'ätucua pä'ö, ja̧u̧ru̧tä̧ adiunä cu̧huo̧juä̧tu̧cua̧rö̧ pä'ö.

U̧mä̧tö̧, cuirecuarö repe'ätucui. Ra̧huä̧rö̧mä̧ tocu'ätucuä' cuirecuarö.

Ppo̧'ä̧tö̧, cuä'o'inä, cua̧ju̧'i̧nä̧ o'ca juiyönä huettö jȩpä̧tu̧cui̧, Tu̧ru̧hua̧ Jesucristo esehuäcua'a̧nö̧ ucuturu.

Nä̧tö̧, adiu ä̧ju̧cuä̧tu̧cui̧ cuirecuo hueö, Cristo hueinö ta'anö churutä esetätörö.