Popular Bible Verses from BAEBURANIYA 4

Share

Kubinali, eChinwa cha Ongo, chitúla chiuma-uma, chitúsa na misi. Kanji chitúla chìkaliire busese kurenza ebômbo bwa moyi mabiri. Chénde chênya busese, chánalinda chálikanya ekalamo ne'muchima, na kulikanya emvunyiro ne'mungofu. Chénde chábihula byoshi bya mundu áhonda kuira na kubihula emianyisa era ìri mwa muchima wai.

Bushi no'ku, túndaa twáchifunda ofu ne'ndebe ya Ongo busira buba. Aola, u'tungábonera ebubabalire ne'bubuya bwai, chasiya atúase mwa bihangi bya bikomire.

eMukulu-kulu we'bakuhanyi* ola twéte, énde átufira bonjo mwa kuina emisi kwetu. Bushi nai ánaerekibwaa mwa njira soshi kuuma netu, si yeke atáiraa bibi.

Kutali chiro na kandu kasibya ka kàbishirwe era muhondo sa Ongo. Byoshi bya ábumbaa, byénde byánalorekana'ko changanama era muhondo sai. Kanji era muhondo sai, yi tukátetera era luulu se'myasi yoshi era twáiraa.

Rero twéte eMukulu-kulu we'bakuhanyi* ola wáire kwa nguba, na i'Yesu, Mwana wa Ongo. Bushi no'ku, tusímikaa busese mwa bwemeresi bwetu.

Bushi no'ku, tuíraa emisi yetu yoshi twíngirire mwe'chi chisiki che'kutamukira'mo, chasiya kùtabaa chiro na muuuma mutubano ola wákumbaala, bushi ne'kunana kuira kwa Ongo àtechire, ngo'kwa bahokulu betu báiraa.