Popular Bible Verses from BAEBURANIYA 5

Share

Si ebiryo bya bisibuire bìri bye'bandu ba bera basene. Bushi emyasi era bárengire'mo mwa kalamo kabo yénde yáberesa ebuashi bwe'kumenya echibi ne'chibuya.

Rero mwe'sine suku soshi, mwabo mwábaa mwera mwěmire kuba bakangirisi, si munáchiri mwěmire kukangirisibwa emyasi ibere-bere ye'chinwa cha Ongo. Mwábere nga ba běmire kwônga emabere, si bàtangaala kutafuna biryo bya bisibuire! Chira mundu ola wénde wámoera ekwônga emabere àtangaala kumenyerera emyasi era ìtungenene, bushi àli mwana mutoto.

Chiro angaba mbu Yesu ábaa àli Mwana wa Ongo, si áchikangirisaa ekuíra kwa Ongo àtechire kurengera emalibuko ma álolaa'ko. Ongo ámuiraa kuba ola ùlumirire. Rero, ba bénde báira kwa Kirisito àtechire, bénde bábona ebununusi bwe'suku ne'mango mwa kumurengera'ko.

Mango Yesu ábaa achíri muno butala, émaa Ongo na kumusengera na murenge munene mwa kutosangya emalira. Áira bacha, bushi Ongo yeine iwábaa ùngaala kumununula mwa lufu. Ongo era kumva ememo mai, bushi Yesu éndee ámutunda.