Popular Bible Verses from BAEBURANIYA 12

Share

Rero, tùsungwirwe na luamba lunene lwa'bu béndee bálosa ebwemeresi bwabo. Bushi no'ku, netu turékanaa loshi ne'bindu byoshi bya bìngatuma tútaendekera era muhondo, twánarekana ne'bibi bya byénjire byátwangika fuba. Aola, twánere twálibita na bushiru bunene mwa kaimano ka twerésibwe. Túndaa twásindera Yesu, i'shokororo ye'bwemeresi bwetu, kanji iwénde wáira obu bwemeresi bwetu kuba bwa bunálumirire. Yeine êmereraa kufa kwa musalaba, busira kulaa kwa honyi sa sìtenganyire ne'lufu lwa lùli ngo'lu. Áiraa bacha, bushi ábaa èshi kwa àbikirirwe lumoo. Na lwarero ékese kwa lunda lwe'malyo me'ndebe ya Ongo.

Echihangi ebandu bákemerwa, chìtatula cha lumoo, si chitúla cha businane. Si kwa businda, ba bakángirisibwaa mwo'ku kukemerwa, bénde bába bandu ba bàtungenene, na mwe'i njira bánaata ebôlo mwa kalamo kabo.

Muchisesaa kunde mwába mwa bôlo ne'bandu boshi, na kuba babuya-buya mwa kalamo kenyu. Bushi busira kuba mwo'bu bubuya-buya, kutáli ola ukálola ku Enawetu.

Mundaa mwákengera kute Yesu ásesaa emuchima, mango ebandu be'bibi bámuhombaa. Bushi no'ku, muténdaa mwátama nesi mwáfunyika emichima.

Rero túndaa twáteta mbu akoko era mwa Ongo, bushi iwátweresise ebwami bwa bùtangalingitanyisibwa. Oku kuteta mbu akoko, túndaa twálosa'ko mwa kumukorera mwa njira era imúsimise, ala'uma ne'kumutunda ne'kumwôbaa.

Mundaa mwásesa emuchima mwa malibuko mango mwákemerwa, bushi Ongo énde ábatola nga bana bai. Nde mwana ola ùtakemerwa ne'she?

Bushi «Ongo wetu atúla nga muliro ola wénde wásiresa!»

Abu batata, béndee bátukemera ku suku sieke kukulikana no'kwa bahónjire. Si Ongo Tata, yeke énde átukemera kwa mufa wetu, chasiya tube babuya-buya kuuma nai.

Bushi ebita bya mwálwa kwa kuima ebibi, mùtasa kulwa'bi kuikira kwa lufu.