Popular Bible Verses from BAEBURANIYA 13

Share

Muténdaa mwáchirekerera kuba mwa bucha bwe'kusima ebuteya busese. Si mundaa mwámoera bya mwéte. Bushi Ongo yeine átetaa mbu: «Ndákakulikulire chiro na hicha, nesi ndákakurekerere chiro na hicha.»

Yesu Kirisito anátula i'no'yu i'no'yu: mwe'olo, na lwarero, ne'suku ne'mango.

Bushi no'ku, tùngaala kunde twáteta na bushiru bunene mbu: «Enawetu iwénde wányitabala! Ndàngobaa kandu! Chiye che'mundu ànganyiira?»

Kanji muténdaa mwébirira kukorerana emabuya na kunde mwáasanya. Bushi emitulo* era iri nge'i, yénde yásimisa Ongo.

Rero kurengera Yesu, túndaa twéresa Ongo emitulo* ye'kumutonga esuku soshi, kukuteta mbu túndaa twábura ebandu kwa tubano tutúla twemérere esina lyai.

Ebuya bwěmire kunde bwátunjibwa ne'bandu boshi. Emulume na mukai batěmire kunde báya mwa mbuwa. Bushi Ongo akáchinjibusa ba bénde báya mwa mbuwa no'ku bera bàhweranyire, ánachinjibusa ne'bashimba ba bénjire báira elusingi.

Mutébiriraa kunde mwáhuukasa ebaenyi kubuya. Bushi mwa kuira bacha, bandu bauma báhuukasaa ebamalaika* busira kumenya.

Ongo iwénde wátweresa ebôlo. Ômwolaa Enawetu Yesu mwa bafu. Oyu Yesu i'Mulanzi Munene we'mbuli. Ne'mikira yai, iyáirire echilaano* che'suku ne'mango ala kachi-kachi ke'bandu na Ongo. Ongo éndaa áberesa ebuashi bwe'kuíra chira mwasi mubuya, chasiya múnde mwáira ekuhonda kwai. Kanji éndaa áira bya bimúsimise mwa ndanda setu kurengera Yesu Kirisito. Yesu éndaa átongibwa esuku ne'mango. Bibe bacha!