Popular Bible Verses from BAEBURANIYA 10

Share

Tùtarekaa kunde twáika kwa nyibuanano se'bemeresi, ngo'kwa bandu bauma batúla bàkomere. Si túndaa twásesanya emichima busese, bushi ngo'kwa munásene, elusuku lwe'kufuluka kwa Enawetu lùli ofu.

Kanji túndaa twáanyisa kute ku tùngeresanya emisi, mwa kunde twásima ebandu no'mwa kuira emabuya.

Túndaa twásimika busese mwa munyiiro ola twénde twáteta era luulu sao era muhondo se'bandu busira kutama, bushi Ongo énde ánaira bya álanyaa.

Mwěmire kuata bushibirisi, chasiya múnde mwáira ekuhonda kwa Ongo, mubóne bya álanyaa.

Emichima yetu yákomisibwe* kutenga mu chira mianyisa ibi era yénde yátulibusisa mwa ndanda. Ne'mibiri yetu yálongibwe mwa meshi ma màtatwangire. Bushi no'ku, túndaa twáchifunda ofu na Ongo na muchima muuma, na kuata bwemeresi bwa bùlumirire.

Rero, mùtaesaa emunyiiro wenyu, bushi i'ukátuma mwábona lwêmbo lunene.

Twákangirisibwe mira ekumenyerera emyasi ye'kanangana. Rero, akaba tùngaendekera kunde twáiririra ebibi, aola kutachiri mitulo* era ìngachiala kukula ebi bibi. Mwa bacha, kwanashiba kulinjirira na buba bunene ebuchinjibusi bwa Ongo, ne'marunga me'muliro ma makwócha ebarenda bai.