Popular Bible Verses from BAEBURANIYA 9

Share

Rero kuno'ku, ku Kirisito nai áchanaa euma oshâo, chasiya akúle bibi bya bandu banene. Akáhuba kubaha ebwakabiri, atá kwa kukula ebibi, si kwa kununula ebandu ba bámulinjira.

Akaba kubiri bacha, mùtasene kwe'mikira ya Kirisito iyète buashi bunene bwe'kukomya ebandu kurenza emikira ye'nyama? Bushi Kirisito áchanaa yeine era mwa Ongo kurengera ebuashi bwe'Muchima Mubuya-buya i'utúla'o esuku ne'mango. Era kuba mitulo* era itéte chibi chisibya. Ne'mikira yai yénde yákomya emichima yetu, iténge mwa myanya era ìtakomire era yénde yáreta elufu, chasiya túnde twákorera Ongo i'utúla muuma-uma.

Chira mundu àbikirirwe kufa euma oshâo, ne'ra nyuma se'kufa ánachinjibusibwa na Ongo.

Rero, kukulikana no'yu Mwaso*, ebindu byoshi byénde byákomisibwa* kurengera emikira. Ne'bibi bìtangababalirwa busira kusheshekala kwa mikira.

Bushi no'ku, Kirisito iwábikire ebandu mwa buuma na Ongo, kurengera echilaano chiyayaya. Kanji kurengera ekufa kwai, ánunwire ebandu kutenga mwa bibi bya báiraa mango bábaa bachíri mwa chilaano* chibere-bere. Áirire bacha, chasiya ebandu ba Ongo âmaere babóne emwandu we'suku ne'mango ola ábalânyaa.