Popular Bible Verses from Bhaloma 3

Share

kwa kubhee bhandu bhoa bhabhatenditinge gabohu na kupongokelwa kutopelwa na Annoongo. Nambo kwa ngwahupa ja Annoongo bhandu bhoa bhakondekwa kubhee bhammbone kwa ndela ja Ayesu Kilisito jwatekutukomboa.

Ndela jenejo nga ja kwahobhalela Ayesu Kilisito, Annoongo atenda henela kwa bhoa bhabhahobhalela, kwaakwa kubagulana pakati ja Bhayahudi na bhanga Bhayahudi

Annoongo akaapia Ayesu, ili kwa mihai jabhe, abhee ndela ja kwaabhokea bhandu mabohu gabhenji kwa kuhobhalela kwabhenji. Akatenda henela ili akombole kulangia kubhee jonojwe nga jwammbone. Pena lolo Annoongo akibha bhakuchitimalika akachitenda handa ngalola kulemwa kwa bhandu. Akatenda henela ili kulangia chibhabhile jwammbone nangocheni, ili abhee jwaammbone na abhatendange bhandu bhakondekwange na ndela ja Ayesu Kilisito.

Bhakwa mundu bhoa bhala bhabhakondekwa na Annoongo kwa kugakamula Malagilo ga Amusa, lihengo lya Malagilo nga kunangia mundu kubhee bhatendite mabohu.

Handa Majaandiko ga Annoongo chigalobhola, Jwakwa hata jumo jwaapangana gagaabhajila Annoongo, Jwaka mundu hata jumo jwabhii na luunda, wala jwaannolea Annoongo. Bhandu bhoa bhatekwaaleka Annoongo, bhoa bhabhi handa bhatekubhola, jwakwa jwaatenda gagapalikwa na Annoongo, jwaka hata jumo.

Maana Annoongo atenda kunkonda mundu kubhee jwammbone nnoongi jabhe kwa kwahobhalela Ayesu, wala ngabha kwa kutenda chiipalikwa na Malagilo.

Hopo! Annoongo nga jwa kulupalilwa machobha goa, hata handa kila mundu nga anami. Handa Majandiko ga Annoongo chiijaandikwe mu Majandiko ga Annoongo, “Muda goa pannobhola malobhe ginu nga ga kweli, mu kuhukumulwa mwenga ntendakuchinda.”